Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Ҝөзәтчи гүлләси (тәлим нәшри)  |  сентјабр 2014

Охуҹуларын суаллары

Охуҹуларын суаллары

Давудун Мәзмур 37:25 ајәсиндә, Исанын исә Матта 6:33 ајәсиндә дедији сөзләр о демәкдирми ки, Јеһова мәсиһчинин бир дилим чөрәјә мөһтаҹ галмасына һеч вахт јол вермәз?

Давуд јазмышды ки, «салеһин тәрк едилдијини, нәслинин чөрәк үчүн диләндијини [ҝөрмәјиб]». О, өз һәјатында ҝөрдүкләринә әсасән бу гәнаәтә ҝәлмишди. О, Аллаһын нә гәдәр гајғыкеш олдуғуну јахшы билирди (Мәз. 37:25). Лакин Давудун сөзләри о демәк дејил ки, һеч бир мөмин бәндә гида сарыдан корлуг чәкмәјиб вә чәкмәјәҹәк.

Һәтта елә вахтлар олуб ки, Давудун өзү дә еһтијаҹ ичиндә олуб. Мәсәлән, ҝөтүрәк Шаулун әлиндән дидәрҝин дүшдүјү вахтлары. Давудун әлиндә-овҹунда һеч нәји олмадығындан бир гарын јемәјә ҝөрә өзү вә адамлары үчүн башгасына ағыз ачмышды (1 Шам. 21:1—6). Демәк олар ки, Давуд «чөрәк үчүн [диләнмишди]». Белә вәзијјәтә дүшмәсинә бахмајараг, Давуд әмин иди ки, Јеһова ону атмајыб. Анҹаг биз һеч бир јердә охумамышыг ки, Давуд аҹындан өлмәмәк үчүн чөрәк диләниб.

Матта 6:33 ајәсиндә Иса әмин едир ки, Јеһова Падшаһлығын ишини һәјатларында биринҹи јерә гојан садиг хидмәтчиләринин еһтијаҹларыны өдәјәҹәк. Иса демишди: «Падшаһлығы вә Аллаһын салеһлијини һәјатынызда һәмишә биринҹи јерә гојун, онда бүтүн бунлар да [јемәк-ичмәк вә әјин-баш] сизә вериләҹәк». Иса һәмчинин билдирмишди ки, тәгибләр уҹбатындан гардашларынын аҹ галаҹағы ҝүнләр олаҹаг (Мат. 25:35, 37, 40). Чох узаға ҝетмәјәк, ҝөтүрәк елә һәвари Павели. Онун аҹ-сусуз галдығы ҝүнләр аз олмајыб (2 Кор. 11:27).

Јеһова билдирмишди ки, Онун хидмәтчиләри мүхтәлиф тәгибләрлә үзләшәҹәкләр. О, јол верир ки, биз мүәјјән чәтинликләрдән кечиб Иблисин галдырдығы иттиһамлара ҹаваб верәк (Әјј. 2:3—5). Мәсәлән, насист һәбс дүшәрҝәләриндә олмуш һәмиманлыларымыз кими, бәзи тәблиғчиләр тәгибләр уҹбатындан горху ичиндә јашамышлар. Шаһидләрин нөгсансызлығыны сындырмағын ән гәддар үсулларындан бири онлары чөрәјә мөһтаҹ гојмаг иди. Садиг Шаһидләр Јеһоваја итаәткарлыгларыны горумуш, Јеһова да онлары һифз етмишди. Јеһова бүтүн хидмәтчиләринин һәр ҹүр чәтинликләрлә үзләшмәсинә јол вердији кими, онларын да бу ҹүр сынагла үзләшмәсинә јол вермишди. Лакин, шүбһә јохдур ки, Јеһова Онун ады наминә әзијјәт чәкән һәр кәсин имдадына чатыр (1 Кор. 10:13). Ҝәлин Филипилиләрә 1:29 ајәсиндәки сөзләри һеч вахт јаддан чыхармајаг: «Мәсиһә иман ҝәтирмәклә јанашы, сизә онун уғрунда әзијјәт чәкмәк шәрәфи дә нәсиб олуб».

Јеһова Өз хидмәтчиләринә һәмишә дајаг олаҹағына сөз верир. Јешаја 54:17 ајәсиндә дејилир: «Сәнә гаршы ишләнән һеч бир силаһ ишә јарамајаҹаг». Бу вә диҝәр вәдләр Аллаһын Өз халгыны бүтөвлүкдә мүдафиә етдијинә зәманәтдир. Лакин ајры-ајрылыгда һәр бир мәсиһчи сынаглара мәруз гала, һәтта өлүмлә үзләшә биләр.