Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Ојанын!  |  јанвар 2015

 ҮЗ ГАБЫҒЫНДА

Һәјат неҹә әмәлә ҝәлиб?

Һәјат неҹә әмәлә ҝәлиб?

Нөвбәти ҹүмләни неҹә тамамлајардыныз?

ҺӘЈАТ ․․․․․

НӘТИҸӘСИНДӘ ӘМӘЛӘ ҜӘЛИБ.

  1. ТӘКАМҮЛ

  2. ЈАРАДЫЛЫШ

ДҮШҮНӘ биләрсиниз ки, елмә үстүнлүк верән адам А вариантыны, динә үстүнлүк верән исә Б вариантыны сечәҹәк.

Амма һәмишә белә олмур.

Факт одур ки, алимләр дә дахил олмагла, бир чох али тәһсилли инсанлар тәкамүл нәзәријјәсинин доғрулуғуна шүбһә илә јанашырлар.

Ентомолоҝија үзрә профессор Жерард Һертелин нүмунәсинә нәзәр салаг. Онун охудуғу коллеҹдә тәкамүл нәзәријјәси кечирилирди. О бөлүшүр: «Имтаһанлар заманы профессорлары гане едәҹәк ҹаваблар верирдим, амма әслиндә дедикләримә инанмырдым».

Нәјә ҝөрә елмә үстүнлүк верән инсанлар белә, һәјатын тәкамүл нәтиҹәсиндә әмәлә ҝәлдијини гәбул етмирләр? Бу суала ҹаваб вермәк үчүн ҝәлин илк өнҹә тәдгигатчылары чыхылмаз вәзијјәтдә гојан ики суалы нәзәрдән кечирәк: 1) Һәјат неҹә әмәлә ҝәлмәјә башлајыб? 2) Ҹанлылар неҹә инкишаф едиб?