Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Ојанын!  |  октјабр 2014

 ҮЗ ГАБЫҒЫНДА

Әсил уғур нәдир?

Әсил уғур нәдир?

Бетәрин бетәри дә вар. Уғурсузлугдан бетәр нә ола биләр? Сахта уғур. Бир иш ки дүз ҝетмәди, она неҹәсә әнҹам чәкмәк олар. Һеч нә алынмаса да, инсан, ән азы, тәҹрүбә газаныр вә ҝәлән дәфә ишини даһа јахшы ҝөрмәјә чалышыр.

Сахта уғур исә башга шејдир. Бу ҹүр уғура наил олан инсан фикирләшир ки, галибдир, әслиндә исә мәғлубијјәтә уғрајыб. Нәјисә дәјишмәк лазым олдуғуну баша дүшәндә дә чох ҝеҹ ола биләр.

Аллаһын Кәламында инсанлара хитабән белә бир суал верилир: «Инсан өз һәјатыны гуртармаг үчүн әвәзиндә нә верә биләр?» (Матта 16:26). Бу фикри пул газанмагдан вә истәдији һәр шеји алмагдан өтрү әлдән-ајагдан ҝедән адамлара шамил етмәк олар. Бунлар сахта уғурун мејарларыдыр. Карјера үзрә мәсләһәтчи Том Денһам јазыр: «Даима даһа јүксәк вәзифәләрә ҹан атмаг, даһа чох пул газанмаг, даһа чох әшја алмаг — ҝеҹә-ҝүндүз анҹаг бунлар барәдә дүшүнмәк инсанын руһуну гидаландырмыр. Уғуру пулла өлчмәк ағылсызлыгдыр, бу, инсана һеч нә вермир».

Ҝөрүнүр, чохлары бу фикирлә разыдыр. Бирләшмиш Штатларда кечирилән бир сорғуја әсасән, «һәјатда уғур газанмаг үчүн» лазым олан 22 шеј арасында «чохлу пула саһиб олмаг» 20-ҹи јери тутурду. Сијаһынын илк пилләләриндә сағламлыг, јахшы инсани мүнасибәтләр вә севимли иш кими шејләр дурурду.

Бәли, бир чох инсанлар сахта уғурла әсил уғур арасындакы фәрги ајырд едә билир, ән азы, сорғу буну ҝөстәрир. Лакин әсил уғура апаран јолда аддымламаг һәр адамын иши дејил.