Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Ҝөзәтчи гүлләси (тәлим нәшри)  |  мај 2017

 Архивимиздән

Онлар Аллаһын ишинә һәлә бу гәдәр шөвглә вә мәһәббәтлә јанашмамышдылар

Онлар Аллаһын ишинә һәлә бу гәдәр шөвглә вә мәһәббәтлә јанашмамышдылар

1922-ҹи илин сентјабр ајы, һәфтәнин ҹүмә ҝүнү иди. Һарадаса 8000 адам сәһәр-сәһәр топланты залына топлашмаға башлады. Ҹамаат ҝәлдикҹә ичәридә һава ҝет-ҝедә исинирди. Програмы апаран гардаш елан етди ки, нөвбәти мәрузә заманы истәјән чөлә чыха биләр, амма даһа ичәри ҝирә билмәјәҹәк.

Топланты «Хидмәти уҹа тутун» адлы һиссәјә дахил олан бир нечә нәғмәнин ифасы илә башлады. Сонра Ҹозеф Рутерфорд гардаш сәһнәјә чыхды. Аудиторијанын әксәријјәти интизар ичиндә иди. Бәзиләри исә истидән јериндә отура билмирди. Натиг онлардан ҹидди шәкилдә хаһиш етди ки, јерләринә әјләшсинләр. Гардашын башынын үстүндә лүлә шәклиндә бүкүлмүш плакат асылмышды. Ҝөрәсән, она фикир верән олмушду?

Ҹозеф Рутерфорд гардаш «Сәмави падшаһлыг јахындыр» адлы мәрузә илә чыхыш етди. Мәрузәдә о, пејғәмбәрләрин Аллаһын Падшаһлығынын ҝәлиши илә бағлы ҹәсарәтлә тәблиғ етдикләри барәдә данышды. Саат јарымлыг мәрузә боју онун ҝурултулу сәси бүтүн залы бүрүмүшдү. Сонда гардаш аудиторијаја белә бир суалла мүраҹиәт етди: «Сиз әзәмәтли Падшаһын тахта чыхдығына инанырсыныз?» Бүтүн зал уҹа сәслә: «Бәли!» — дејә ҹаваб верди:

Онда гардаш деди: «Белә исә, еј Аллаһ-Тааланын өвладлары, “тарлаја” гајыдын! Будур! Падшаһ артыг һөкмранлыг едир! Сиз онун ҹарчыларысыныз. Буна ҝөрә дә Падшаһы вә онун Падшаһлығыны елан един, елан един, елан един».

Гардаш сонунҹу сөзләри дејәндә башынын үстүндәки плакат ачылды. Орада јазылмышды: «Падшаһы вә онун Падшаһлығыны елан един».

Бу топланты илә бағлы бир нечә баҹы-гардаш өз тәәссүратларыны бөлүшмүшдү. Реј Боп гардаш демишди: «Бүтүн зал ҹуша ҝәлмишди». Анна Гарднер адлы баҹы сөјләмишди ки, алгышлардан таван силкәләнирди. «Һамы бир нәфәр кими ајаға галхмышды», — дејә Фред Тварош гардаш хатырлајыр. Еванҹелос Скуфас сөјләмишди: «Елә бил бир гүввә бизи јеримиздән галдырды. Биз ајаг үстдә дуруб ағлајырдыг».

Топлантыда оланларын чоху артыг Падшаһлыг һагда мүждәни тәблиғ едирди. Амма топлантыдан сонра онларда бу ишә јени һәвәс јаранмышды. Етел Бенекоф адлы баҹы демишди ки, Мүгәддәс Китаб Тәдгигатчылары Аллаһын ишинә һәлә бу гәдәр шөвглә вә мәһәббәтлә јанашмамышдылар. Һәмин вахт 18 јашы олан Одеса Так топлантыдан сонра «Ким ҝедәр?» чағырышына һај вермәјә гәти гәрарлы иди. О демишди: «Мәни нараһат етмирди һараја, неҹә, нә үчүн. Бир шејә әмин идим, мән дә “Мән ҝедәрәм! Мәни ҝөндәр!” дејән Әшија пејғәмбәр кими олмаг истәјирдим» (Әшј. 6:8). Ралф Лефлер гардаш демишди: «Һәмин әламәтдар ҝүн һазырда дүнја мигјасында һәјата кечирилән тәблиғ ишинин башланғыҹ нөгтәси иди».

1922-ҹи илдә Сидар-Поинтдә (Оһајо штаты) кечирилән бу топланты Јеһованын Шаһидләринин тарихиндә  әламәтдар һадисәдир. Ҹорҹ Гангас демишди: «Бу топлантыдан сонра гәрара ҝәлдим ки, бир дәнә дә олсун топланты бурахмајаҹағам». Гардаш демишди ки, һансыса топлантыја ҝетмәдији јадына ҝәлмир. Ҹулиа Вилкокс јазмышды: «Һәр дәфә әдәбијјатларымызда 1922-ҹи илдә Сидар-Поинтдә кечирилән топланты барәдә охујанда сөзлә ифадә олунмајан һиссләр кечирирәм вә һәр дәфә дејирәм: “Јеһова, мәнә бу топлантыда олмаға изин вердијин үчүн Сәнә миннәтдарам”».

Үрәјимизи риггәтә ҝәтирән, шөвгүмүзү артыран, Уҹа Јараданымыза вә Падшаһымыз Иса Мәсиһә мәһәббәтимизи аловландыран топлантылары хатырлајанда биз дә охшар һиссләр кечиририк. Бу хатирәләр јада дүшәндә биз дә дејирик: «Јеһова, мәнә бу топлантыда олмаға изин вердијин үчүн Сәнә миннәтдарам!»