Контентә кеч

Икинҹи дәрәҹәли менју

Мүндәриҹаты ҝөстәр

Јеһованын Шаһидләри

Aзәрбајҹан (кирил әлифбасы)

Ҝөзәтчи гүлләси (тәлим нәшри)  |  декабр 2016

Јадыныздадырмы?

Јадыныздадырмы?

«Ҝөзәтчи гүлләси»нин сон сајларыны диггәтлә охумусунузса, ашағыдакы суаллара ҹаваб вермәјә чалышын.

Иса Мәсиһ Мәтта 18:15—17 ајәләриндәки мәсләһәти һансы ҝүнаһларла бағлы вермишди?

Иса бу мәсләһәти ики нәфәрин арасында һәлл олунмалы мәсәләләрлә бағлы вермишди. Әҝәр диндашына гаршы ҝүнаһ едән адам һәмин баҹыја вә ја гардаша, шаһидләрә вә јығынҹаға гулаг асмырса, ону јығынҹагдан кәнар едирләр. Мәсәлән, бу ҝүнаһлара бөһтан вә фырылдаг дахилдир (w16.05 с. 7).

Мүгәддәс Китабдан охудугларынызын бизә фајда ҝәтирмәси үчүн нә етмәлијик?

Охујанда ҝениш дүшүнмәли, охудугларымызы өзүмүзә аид етмәлијик. Өзүмүзә нөвбәти суалы верә биләрик: «Бурадан өјрәндикләримлә башгаларына неҹә көмәк едә биләрәм?» Һәмчинин әлимиздә олан вәсаитләрин көмәјилә охудуғумуз мөвзу әтрафында арашдырма апармаг олар (w16.05 с. 24—26).

Мәсиһинин јас сахламасы гәбаһәтдир?

Дирилмәјә инам бизи иткинин чәкдирдији аҹыдан хилас етмир. Ибраһим пејғәмбәр дә арвады Сараја ҝөрә јас сахламышды (Јар. 23:2). Вахт кечдикҹә кәдәр азалаҹаг (wp16.3 с. 4).

Һизгијалын вәһјдә ҝөрдүјү белиндә гәләм-дават олан адам вә әли топпузлу алты нәфәр кими тәмсил едир?

Онлар Јерусәлимин мәһвиндә иштирак етмиш вә Армаҝеддонда иштирак едәҹәк сәмави ордуну тәмсил едир. Белиндә гәләм-дават олан адам Иса Мәсиһи тәмсил едир. О, бөјүк мүсибәтдә хилас һөкмү чыхардығы инсанларын алнына мәҹази мәнада ишарә гојаҹаг (w16.06 с. 16, 17).

Аллаһ Мүгәддәс Китабы нәләрдән горујуб?

1) Мүгәддәс Китабын јазылдығы материаллар чүрүсә дә, онун мәтнини көчүрүлмә јолу илә горуду; 2) ону мәһв етмәк истәјән дөвләт башчыларындан вә дин хадимләриндән горуду; 3) мәтнини тәһриф етмәк истәјән инсанлардан горуду (wp16.4 с. 4—7).

Мәсиһиләр һәјатларыны неҹә садәләшдирә биләрләр?

Әслиндә нәјә еһтијаҹ дујдугларыны мүәјјән етмәли вә лазымсыз әшјалара пул хәрҹләмәмәлидирләр. Ај әрзиндә доланмаг үчүн нә гәдәр пул лазым олдуғуну мүәјјән етмәли, истифадә етмәдикләри әшјалардан азад олмалы вә борҹлары гајтармалыдырлар. Иш саатларыны азалтмалы вә хидмәтләрини ҝенишләндирмәк барәдә дүшүнмәлидирләр (w16.07 с. 10).

Мүгәддәс Китаб нәји гызылдан вә ҝүмүшдән гијмәтли адландырыр?

Әјјуб 28:12, 15 ајәләринә әсасән илаһи һикмәт гызылдан вә ҝүмүшдән дәјәрлидир. Амма һикмәтә саһиб олдугҹа чалышын алдығыныз биликләр иманынызы мөһкәмләндирсин, сиздә гүрур јаратмасын (w16.08 с. 18, 19).

Мәсиһи киши саггал сахлаја биләр?

Бәзи әразиләрдә сәлигәли саггал сахламаға ҹамаат нормал бахыр. Һәмин әразиләрдә саггал сахламаг тәблиғ ишинә мәнфи тәсир ҝөстәрмир. Буна бахмајаг, бәзи гардашлар саггал сахламаг истәмир (1 Кор. 8:9). Бәзи әразиләрдә исә мәсиһиләрин саггал сахламасы дүзҝүн дејил (w16.09 с. 21).

Нәјә ҝөрә Давуд пејғәмбәрлә Ҹалутун әһвалатынын ҝерчәк олдуғуна әмин ола биләрик?

Ҹалутун боју мүасир дөврдә јашамыш ән һүндүр адамын бојундан тәхминән 15 сантиметр һүндүр олуб. Үзәриндә «Давудун еви» јазылмыш гәдим китабә вә Иса Мәсиһин шәһадәти Давуд пејғәмбәрин ҝерчәк шәхсијјәт олдуғуну сүбут едир. Бу һадисә илә бағлы Мүгәддәс Китабда ады чәкилән әразиләр бу ҝүн дә мөвҹуддур (wp16.5 с. 13).

Билик, дәрракә вә һикмәт арасында һансы фәрг вар?

Чохлу мәлумат әлдә едән инсана биликли инсан дејилир. Бир мәлуматын о бириси илә неҹә бағлы олдуғуну баша дүшән инсан дәрракәли инсан сајылыр. Алдығы билији дәрк едиб әмәлдә ҝөстәрән инсана исә һикмәтли инсан дејилир (w16.10 с. 18).