Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Ҝүнаһ нәдир?

Ҝүнаһ нәдир?

Мүгәддәс Јазыларын ҹавабы

Ҝүнаһ — Аллаһын бујругларына зидд олан һәрәкәт, һисс вә ја фикирдир. Ҝүнаһ дедикдә Аллаһын ганунуну позараг Онун бәјәнмәдији ишләри ҝөрмәк нәзәрдә тутулур (1 Јәһја 3:4; 5:17). Мүгәддәс Китаб ҝөстәрир ки, әҝәр инсан нәјин дүзҝүн олдуғуну билиб етмирсә, бу да ҝүнаһ сајылыр (Јагуб 4:17).

Мүгәддәс Китабын јазылдығы дилләрдә ҝүнаһ сөзү нишана вә ја һәдәфә дүшмәмәк мәнасыны верир. Мәсәлән, гәдим Исраилдә бир дәстә әсҝәр сапанддан дашы елә мәһарәтлә атырды ки, «һәдәфи боша чыхмырды». Бу ифадә һәрфән «ҝүнаһ етмәмәк» кими тәрҹүмә олунур (Һакимләр 20:16). Демәли, ҝүнаһ ишләтмәк Аллаһын ганунундан кәнара чыхмаг демәкдир.

Аллаһын бир Јарадан кими бәшәријјәт үчүн гајда-ганун гојмаға һаггы чатыр (Вәһј 4:11). Һәр биримиз һәрәкәтләримизә ҝөрә Онун гаршысында ҹаваб верәҹәјик (Ромалылара 14:12).

Һеч ҝүнаһ етмәмәк мүмкүндүр?

Хејр. Аллаһын Кәламында дејилир: «Һамы ҝүнаһ ишләјиб, һеч кәс Аллаһын ҹалалыны әкс етдирә билмир» (Ромалылара 3:23; 1 Падшаһлар 8:46; Ваиз 7:20; 1 Јәһја 1:8). Бәс нијә һамы?

Илк инсан ҹүтү олан Адәмлә Һәвва ҝүнаһсыз идиләр. Чүнки онлар Аллаһын бәнзәриндә јарадылмышдылар (Јарадылыш 1:27). Лакин сонрадан Јараданын сөзүндән чыхараг камиллији итирдиләр (Јарадылыш 3:5, 6, 17—19). Өвладлары дүнјаја ҝәләндә ҝүнаһ вә гејри-камиллик ирсән онлара да кечди (Ромалылара 5:12). Неҹә ки, Давуд падшаһ демишдир: «Мән тәгсир ичиндә дүнјаја ҝәлдим» (Зәбур 51:5).

Ҝүнаһын бөјүјү, кичији олур?

Бәли, олур. Мүгәддәс Китабда дејилир ки, гәдим Сәдум әһалиси пис иди вә ағыр ҝүнаһлар ишләјирди (Јарадылыш 13:13; 18:20). Ҝәлин ҝүнаһын ағырлығыны мүәјјән едән үч амили нәзәрдән кечирәк.

  1. Ағырлыг дәрәҹәси. Аллаһын Кәламы бизи хәбәрдар едир ки, ҹинси әхлагсызлыг, бүтпәрәстлик, оғурлуг, сәрхошлуг, сојғунчулуг, гатиллик вә ҹиндарлыг кими ағыр ҝүнаһлардан гачаг (1 Коринфлиләрә 6:9—11; Вәһј 21:8). Мүгәддәс Китабда јухарыда садаланан ҝүнаһларла башгаларынын хәтринә дәјмәк кими истәмәдән едилән ҝүнаһлар арасында фәрг гојулур (Мәсәлләр 12:18; Ефеслиләрә 4:31, 32). Бунунла белә, орада мәсләһәт ҝөрүлүр ки, һеч бир ҝүнаһа бармагарасы бахмајаг, чүнки кичик ҝүнаһлар ағыр ҝүнаһлара ҝәтириб чыхарыр (Мәтта 5:27, 28).

  2. Нијјәт. Бәзән инсанлар Аллаһын ганунларындан аҝаһ олмадыглары үчүн ҝүнаһ едирләр (Һәвариләрин ишләри 17:30; 1 Тимутијә 1:13). Дүздүр, Мүгәддәс Китаб белә ҝүнаһлара бәраәт газандырмыр, анҹаг билмәдән едилән ҝүнаһларла гәсдән Аллаһын ганунларыны позмаг арасында фәрг гојур (Сајлар 15:30, 31). Гәсдән едилән ҝүнаһлар инсанын гара үрәјиндән гајнагланыр (Әрәмја 16:12).

  3. Сај. Аллаһын Кәламында ҝөстәрилир ки, бир дәфә ҝүнаһ ишләтмәклә дәфәләрлә ҝүнаһ ишләтмәк ејни шеј дејил (1 Јәһја 3:4—8). Әҝәр кимсә етдији һәрәкәтин ҝүнаһ олдуғуну билә-билә ондан әл чәкмирсә, Аллаһын һөкмүнә дүчар олаҹаг (Ибраниләрә 10:26, 27).

Ағыр ҝүнаһ ишләјән инсан виҹдан әзабы чәкә биләр. Мисал үчүн, Давуд пејғәмбәр дејирди: «Тәгсирләрим башымдан ашыр, санки, ағыр јүкдүр, дашымаг олмур» (Зәбур 38:4). Буна бахмајараг, Мүгәддәс Китабда ҝөзәл үмид вар: «Гој пис адам пис јолуну, шәр адам шәр фикирләрини атсын. Гој Јеһоваја тәрәф дөнсүн, она мәрһәмәт ҝөстәрәр. Аллаһымыза тәрәф гајытсын, ону ҹомәрдликлә әфв едәр» (Әшија 55:7).

Әлава мәлумат

ҜӨЗӘТЧИ ГҮЛЛӘСИ

Јолданчыхаран шејләрә ујмамаг мүмкүндүр!

Ҝүҹлү ирадәјә саһиб олмаг үчүн үч аддым.

МҮГӘДДӘС ЈАЗЫЛАРА АИД СУАЛЛАРА ҸАВАБ

Аллаһа јалварсам, мәнә көмәк едәҹәкми?

Аллаһ проблемләримизи ҝөрүрмү?

ИЛАҺИ МҮЖДӘ

Мүгәддәс Китабдакы өјүдләрин бизә фајдасы

Иса пејғәмбәр рәһбәрлијә нәјә ҝөрә еһтијаҹымызын олдуғуну вә Мүгәддәс Китабдакы һансы ики принсипин ән ваҹиб олдуғуну изаһ етди.