Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Нәјә ҝөрә дуа етмәлијәм? Аллаһ мәнә ҹаваб верәҹәкми?

Нәјә ҝөрә дуа етмәлијәм? Аллаһ мәнә ҹаваб верәҹәкми?

Мүгәддәс Јазыларын ҹавабы

Бәли, верәҹәк. Һәм Мүгәддәс Китаб, һәм дә мүхтәлиф һадисәләр тәсдиг едир ки, Аллаһ дуалара ҹаваб верир. Мүгәддәс Китабда дејилир: «Ондан горханлары мурада чатдырар, фәрјадларына гулаг асыб онлары гуртарар» (Мәзмур 145:19). Лакин Аллаһын дуаларыныза ҹаваб вермәси, әсас етибарилә, өзүнүздән асылыдыр.

Аллаһ үчүн нәјин әһәмијјәти вар?

  • Аллаһын Өзүнә дуа етмәјин. Нә Иса пејғәмбәрә, нә Мәрјәмә, нә мүгәддәс һесаб едилән шәхсләрә, нә мәләкләрә, нә дә сурәтләрә дуа етмәк дүзҝүн дејил. «Дуалары ешидән» јалныз Јеһова Аллаһдыр (Мәзмур 65:2).

  • Аллаһын Мүгәддәс Китабда әкс олунан ирадәсинә вә тәләбләринә ујғун дуа етмәјин (1 Јәһја 5:14).

  • Дуада Иса Мәсиһин адыны чәкмәјин. Бунунла биз онун мөвгејинә һөрмәт етдијимизи ҝөстәрмиш олуруг. О демишди: «Мәнсиз һеч кәс Атанын јанына ҝәлә билмәз» (Јәһја 14:6).

  • Иманла дуа етмәјин. Бунун үчүн, лазым ҝәләрсә, Аллаһдан иманынызы артырмасыны диләјин (Матта 21:22; Лука 17:5).

  • Тәвазөкар вә сәмими олмағын. Мүгәддәс Китабда дејилир: «Рәбб јүксәк олса да, тәвазөкарлара бахар» (Мәзмур 138:6, Китабы Мукаддес).

  • Исрарлы олмағын. Иса пејғәмбәр демишди: «Дурмадан диләјин, сизә вериләҹәк» (Лука 11:9).

Аллаһ үчүн нәјин әһәмијјәти јохдур?

  • Иргин вә ја миллијјәтин. «Аллаһымыз ајры-сечкилик етмәјән Аллаһдыр, һәр халгын ичиндә Ондан горхан вә салеһ һәјат сүрән адамы хошлајыр» (Һәвариләрин ишләри 10:34, 35).

  • Дуруш тәрзинин. Сиз Аллаһа отурараг, әјиләрәк, диз чөкәрәк, јахуд ајаг үстә дуа едә биләрсиниз (1 Салнамәләр 17:16; Неһемја 8:6; Даниел 6:10; Марк 11:25).

  • Уҹадан, јахуд үрәкдә дуа етмәјин. Аллаһ һәтта башгалары билмәдән үрәјиниздә етдијиниз дуалара да ҹаваб верир (Неһемја 2:1—6).

  • Сизи нараһат едән мәсәләнин хырда вә ја бөјүк олмасынын. Аллаһ сизи «бүтүн гајғыларынызы» Онун өһдәсинә бурахмаға тәшвиг едир, чүнки «О, сизин гејдинизә галыр» (1 Петер 5:7).

 

 

 

Әлава мәлумат

ИЛАҺИ МҮЖДӘ

Аллаһы таныјаг

Аллаһын нечә ады вар? Дүнјадакы әзаблар Аллаһдандырмы?