Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Пејғәмбәрлик нәдир?

Пејғәмбәрлик нәдир?

Мүгәддәс Јазыларын ҹавабы

Пејғәмбәрлик Аллаһ тәрәфиндән илһамландырылан хәбәрдир, илаһи вәһјдир. Мүгәддәс Китабда дејилир ки, пејғәмбәрләр «Мүгәддәс руһ тәрәфиндән јөнәлдиләрәк Аллаһдан ҝәлән сөзләри данышыблар» (2 Бутрус 1:20, 21). Пејғәмбәр Аллаһын сөзүнү инсанлара чатдыран кәсдир (Һәвариләрин ишләри 3:18).

Аллаһ пејғәмбәрләрә Өз сөзүнү неҹә чатдырыб?

Аллаһ-Таала буну мүхтәлиф үсулларла едиб:

  • Јазылы шәкилдә. Аллаһ бу үсулдан, ән азы, бир дәфә истифадә едиб. О, Муса пејғәмбәрә Он әмри јазылы шәкилдә вермишди (Чыхыш 31:18).

  • Мәләкләр васитәсилә данышмагла. Мәсәлән, Аллаһ Муса пејғәмбәрин Мисир фиронуна чатдырмалы олдуғу хәбәри мәләк васитәсилә демишди (Чыхыш 3:2—4, 10). Әҝәр чатдырылмалы олан хәбәр чох өнәмли хәбәр идисә, Аллаһ бирбаша мәләјини ҝөндәрирди ки, бу хәбәри дигтә етсин. Мисал үчүн, Муса илә данышаркән: «Бу сөзләри јаз, чүнки сәнинлә вә Исраил халгы илә мәһз бу сөзләрә әсасән әһд бағлајырам» * (Чыхыш 34:27).

  • Ҝөрүнтүләр васитәсилә. Аллаһ бәзи ҝөрүнтүләри пејғәмбәрләр ојаг оланда ҝөстәрмишди (Әшија 1:1; Һәбгуг 1:1). Бәзи ҝөрүнтүләри онлар ајдын шәкилдә ҝөрүрдүләр (Лука 9:28—36; Вәһј 1:10—17). Елә мәгамлар да олуб ки, ҝөрүнтүләр онларын ҝөзүнә ҝөрүнүб (Һәвариләрин ишләри 10:10, 11; 22:17—21). Аллаһ һәмчинин пејғәмбәрә јухуда икән рөјалар ҝөстәрмәклә өз хәбәрини чатдырмышды (Дәнјал 7:1; Һәвариләрин ишләри 16:9, 10).

  • Дүшүнҹәни истигамәтләндирмәклә. Аллаһ Өз хәбәрини чатдырмаг үчүн пејғәмбәрләрин дүшүнҹәсини истигамәтләндирирди. Бу сәбәбдән Мүгәддәс Китабда дејилирди: «Мүгәддәс Јазылардакы һәр кәлмә Аллаһ тәрәфиндән илһамланмышдыр» (2 Тимутијә 3:16). Бу ајәнин башга бир тәрҹүмәсиндә «Аллаһ тәрәфиндән илһамланмышдыр» ифадәси «Аллаһ үфүрүб» кими верилиб. Аллаһ Өз мүгәддәс руһундан, јәни фәал гүввәсиндән фикирләрини хидмәтчиләринин дүшүнҹәсинә «үфүрмәк» үчүн истифадә едиб. Фикир Аллаһа мәхсус олса да, фикри ифадә етмәк үчүн сөзләри пејғәмбәрләр өзләри сечмишләр (2 Ишмуил 23:1, 2).

Пејғәмбәрлик һәмишә ҝәләҹәкдән хәбәр верир?

Хејр. Мүгәддәс Китабда тәкҹә ҝәләҹәк һагда пејғәмбәрлик едилмәјиб. Аллаһдан ҝәлән сөзләрин чоху, долајы јолла да олса, ҝәләҹәклә бағлыдыр. Мәсәлән, Аллаһын пејғәмбәрләри дәфәләрлә гәдим Исраил халгыны хәбәрдар етмишдиләр ки, тутдуглары пис әмәлләрдән әл чәксинләр. Онлар бу хәбәрдарлыглара гулаг ассајдылар, ҝәләҹәкдә хејир-дуа алаҹагдылар, анҹаг гулаг асмасајдылар, ҝәләҹәкдә бәдбәхтликләрлә үзләшәҹәкдиләр (Әрәмја 25:4—6). Һәр шеј онларын сечимләриндән асылы иди (Ганунун тәкрары 30:19, 20).

Мүгәддәс Китаб пејғәмбәрликләри тәкҹә ҝәләҹәкдән хәбәр вермир

  • Бир дәфә исраиллиләр Аллаһдан имдад диләјәндә, О, пејғәмбәрини ҝөндәриб билдирди ки, онлара көмәк етмәмәсинин сәбәби вердији ганунлара итаәт етмәмәләридир (Һакимләр 6:6—10).

  • Иса пејғәмбәр сәмәријјәли гадына онун кечмиши һагда дедикләрини јалныз илаһи вәһј сајәсиндә билә биләрди. Иса ҝәләҹәк һагда һеч нә демәсә дә, һәмин гадын онун пејғәмбәр олдуғуну анлады (Јәһја 4:17—19).

  • Иса пејғәмбәрә дүшмәнләри үзүнү бағлајыб ишҝәнҹә верәндә демишдиләр: «Һә, пејғәмбәр, тап ҝөрәк сәни ким вурду?» (Лука 22:63, 64). Онлар Исадан ҝәләҹәк һагда пејғәмбәрлик етмәсини јох, һал-һазырда ону кимин вурдуғуну тапмасыны истәјирдиләр.

^ абз. 7 Илк бахышдан адама елә ҝәлә биләр ки, бу һадисәдә Јеһова Өзү Муса илә данышыб. Лакин Мүгәддәс Китаб ҝөстәрир ки, Ганун әһдини Мусаја билдирмәк үчүн Аллаһ мәләкләрдән истифадә едиб (Һәвариләрин ишләри 7:53; Галатијалылара 3:19).

Әлава мәлумат

МҮГӘДДӘС КИТАБ БИЗӘ ҺАНСЫ ХӘБӘРИ ЧАТДЫРЫР?

Аллаһ пејғәмбәрләри васитәсилә данышыр

Аллаһын пејғәмбәрләри һансы хәбәрләри чатдырмышды? онлардан дөрдүнү нәзәрдән кечирин.

МҮГӘДДӘС ЈАЗЫЛАРА АИД СУАЛЛАРА ҸАВАБ

Дүнјанын сону нә вахт ҝәләҹәк?

Ҹавабы билмәк Мүгәддәс Китаба әсасән сонун неҹә олаҹағыны билмәјә көмәк едәҹәк.