Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Мүгәддәс Китабда спиртли ички һагда нә дејилир? Ички ичмәк ҝүнаһдыр?

Мүгәддәс Китабда спиртли ички һагда нә дејилир? Ички ичмәк ҝүнаһдыр?

Мүгәддәс Јазыларын ҹавабы

Гәдәриндә ичмәк ҝүнаһ дејил. Мүгәддәс Китабда дејилир ки, шәраб Аллаһдан бәхшишдир вә һәјаты даһа да шән едир (Зәбур 104:14, 15; Ваиз 3:13; 9:7). Орада һәмчинин шәрабын тибби ҹәһәтдән фајдалы олдуғу да вурғуланыр (1 Тимутијә 5:23).

Иса пејғәмбәр дә шәраб ичирди (Мәтта 26:29; Лука 7:34). О, һәтта бир дәфә тојда мөҹүзәли сурәтдә сују шәраба чевирмишди (Јәһја 2:1—10).

Чох ички ичмәјин тәһлүкәләри

Аллаһын Кәламында шәрабын мүсбәт тәрәфи вурғуланса да, ону чох ичмәк мүһакимә едилир. Буна ҝөрә дә мәсиһи спиртли ичкини гәдәриндә ичмәлидир (1 Тимутијә 3:8; Титуса 2:2, 3). Бәс нәјә ҝөрә һәддән артыг спиртли ички ичмәк олмаз? Мүгәддәс Китабда бунун бир нечә сәбәби ҝәтирилир:

  • Дүшүнмә габилијјәтини күтләшдирир (Мәсәлләр 23:29—35). Сәрхош инсан Мүгәддәс Китабын «бәдәнинизи дири, мүгәддәс вә мәгбул гурбан кими Аллаһа тәгдим един. Бу јолла сиз ағылла ибадәт етмиш олаҹагсыныз» тапшырығыны јеринә јетирә билмәз (Ромалылара 12:1).

  • Инсан чох ичәндә ајыг вахты етмәдији шејләри едир вә онун јахшы нијјәтләри мәһв олур (Һушә 4:11; Ефеслиләрә 5:18).

  • Бу, јохсуллуға вә сәһһәтдә ҹидди проблемләрә ҝәтириб чыхарыр (Мәсәлләр 23:21, 31, 32).

  • Аллаһын чох ичмәкдән вә сәрхошлугдан зәһләси ҝедир (Мәсәлләр 23:20; Галатијалылара 5:19—21).

Гәдәриндә ичмәк нә демәкдир?

Әҝәр инсан ичәндән сонра һәм өзүнү, һәм башгаларыны тәһлүкә алтына гојурса, демәли һәддиндән артыг ичиб. Мүгәддәс Китаба әсасән сәрхошлуг ичәндән сонра јердә јыхылыб галмаг демәк дејил. Өзүнү идарә едә билмәјән, аша-аша јол ҝедән, мүбаһисә едән вә ја данышанда дили долашан инсан артыг сәрхош сајылыр (Әјјуб 12:25; Зәбур 107:27; Мәсәлләр 23:29, 30, 33). Һәтта сәрхош олмаса белә, инсан чох ички ичирсә, нәтиҹәси пис ола биләр (Лука 21:34, 35).

Һеч ичмәмәк

Мүгәддәс Китабда дејилир ки, мәсиһиләр бәзи һалларда ичкидән тамамилә имтина етмәлидирләр. Мәсәлән:

  • Әҝәр мәсиһинин ички ичмәси кимисә бүдрәдирсә (Ромалылара 14:21).

  • Әҝәр ички ичмәк мәсиһинин јашадығы вә ја ҝетдији өлкәнин ганунларына зиддирсә (Ромалылара 13:1).

  • Әҝәр мәсиһи өзүнү идарә едә билмирсә. Алкоголизмдән әзијјәт чәкән инсан гәти аддымлар атмалыдыр (Мәтта 5:29, 30).

Әлава мәлумат

МҮГӘДДӘС ЈАЗЫЛАРА АИД СУАЛЛАРА ҸАВАБ

Аллаһа јалварсам, мәнә көмәк едәҹәкми?

Аллаһ проблемләримизи ҝөрүрмү?