Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Инсан өләндә нә баш верир?

Инсан өләндә нә баш верир?

Мүгәддәс Јазыларын ҹавабы

Мүгәддәс Китабда дејилир: «Дириләр өләҹәкләрини билир, анҹаг өлүләр һеч нә билмир. Онлара даһа һеч вахт әвәз верилмәјәҹәк» (Ваиз 9:5; Мәзмур 146:4). Беләликлә, инсан өләндә мөвҹудлуғуна сон гојур. Өлмүш инсан дүшүнә, һәрәкәт едә вә һисс едә билмир.

«Торпаға гајыдаҹагсан»

Аллаһ өлүмүн нә олдуғуну илк инсан Адәмә изаһ етмишди. Адәм Аллаһын сөзүндән чыхдығы үчүн Аллаһ она деди: «Јерин торпағысан, торпаға да гајыдаҹагсан» (Јарадылыш 3:19). Аллаһ Адәми «јерин торпағындан» дүзәлтмәздән өнҹә о јох иди (Јарадылыш 2:7). Адәм өләндә дә торпаға гајытды вә мөвҹудлуғуна сон гојду.

Ејни шеј бу ҝүн өләнләрлә дә баш верир. Һәм инсанлары, һәм дә һејванлары нәзәрдә тутараг Мүгәддәс Китаб дејир: «Һамысы торпагдан јараныб, торпаға да гајыдыр» (Ваиз 3:19, 20).

Өлүм һәр шејин сону дејил

Мүгәддәс Китабда өлүм чох вахт јухуја бәнзәдилир (Мәзмур 13:3; Јәһја 11:11—14; Һәвариләрин ишләри 7:60). Дәрин јухуда олан адамын әтрафда баш верәнләрдән хәбәри олмур. Еләҹә дә өлүнүн һеч нәдән хәбәри олмур. Бунунла белә, Мүгәддәс Китаб өјрәдир ки, Аллаһ-Таала өлүләри өлүм јухусундан ојатмаға вә онлары јенидән һәјата гајтармаға гадирдир (Әјјуб 14:13—15). Аллаһын дирилдәҹәји инсанлар үчүн өлүм һеч дә сон дејил.

 

Әлава мәлумат

ИЛАҺИ МҮЖДӘ

Өлүләр үчүн үмид

Инсан өләндә агибәти нә олур? Өлән әзизләримизи нә вахтса јенидән ҝөрәҹәјик?