Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Баш мәләк Микајыл кимдир?

Баш мәләк Микајыл кимдир?

Мүгәддәс Јазыларын ҹавабы

Микајыл ады бәзи динләрдә «Мүгәддәс Микајыл» кими истифадә едилир. Бу ад Иса Мәсиһин јер үзү һәјатындан әввәл вә сонра она верилмиш аддыр *. Микајыл Мусанын өлүмүндән сонра Шејтанла мүбаһисә етмишди вә бир мәләјә көмәк етмишди ки, Аллаһын хәбәрини Дәнјал пејғәмбәрә чатдырсын (Дәнјал 10:13, 21; Јәһуда 9). Микајыл ады «Аллаһа тај кимдир?» демәкдир. О, Аллаһын һакимијјәтини мүдафиә едәрәк вә Аллаһын дүшмәнләринә гаршы дөјүшәрәк бу ада ујғун јашајыр (Дәнјал 12:1; Вәһј 12:7).

Ҝәлин Иса Мәсиһин баш мәләк Микајыл олдуғуна неҹә әмин ола биләҹәјимизи арашдыраг.

  • Микајыл «баш мәләк»дир (Јәһуда 9). Мүгәддәс Китабда ҹәми ики дәфә истифадә едилән «баш мәләк» ады «мәләкләрин башчысы» демәкдир. Һәр ики ајәдә бу сөз тәкдә ишләнир. Бу ону ҝөстәрир ки, бу ад јалныз бир мәләјә аиддир. Ајәләрдән бириндә дејилир ки, дирилдилмиш Аға Иса Мәсиһ «амиранә бир чағырышла, баш мәләк сәси илә... ҝөјдән енәҹәк» (1 Салоникилиләрә 4:16). Иса Мәсиһ «баш мәләк сәси илә» данышыр, чүнки о, баш мәләк Микајылдыр.

  • Микајылын мәләкләр ордусу вар. «Микајыл өз мәләкләри илә әждаһаја [Шејтана] гаршы... вурушду» (Вәһј 12:7). Микајыл руһани аләмдә бөјүк сәлаһијјәтә маликдир. Буна ҝөрә дә о, «баш әмирләрдән бири» вә «бөјүк әмир» адланыр (Дәнјал 10:13, 21; 12:1). Әһди-Ҹәдид алими олан Дејвид. Е. Ауна ҝөрә бу адлар Микајылы «мәләкләр ордусунун баш әмири» кими таныдыр.

    Мүгәддәс Китабда мәләкләр ордусу үзәриндә сәлаһијјәти олан диҝәр бир адда вар. Орада «Ағамыз Исанын өз гүдрәтли мәләкләри илә бирликдә од-аловла ҝөјдән» зүһур едиб гисас алаҹағы дејилир (2 Салоникилиләрә 1:7, 8; Мәтта 16:27). Иса Мәсиһ «ҝөјә галхандан сонра... мәләкләр, һакимијјәтләр вә гүввәләр она табе едилди» (1 Бутрус 3:21, 22). Бу о демәк дејил ки, Аллаһ һәм Иса Мәсиһи, һәм дә Микајылы мүгәддәс мәләкләр үзәриндә башчы гојуб. Әксинә, һәм Иса, һәм дә Микајыл адынын ејни варлыға аид олдуғуну дүшүнмәк даһа мәнтигли фикирдир.

  • Микајыл ҝөрүнмәмиш «ағыр бир зәманә»дә «ајаға галхаҹаг» (Дәнјал 12:1). Дәнјал китабындакы «ајаға галхаҹаг» ифадәси, адәтән, падшаһын ајаға галхыб ҝөрүнмәмиш бир шеј етдијини билдирмәк үчүн истифадә едилир (Дәнјал 11:2—4, 21). «Аллаһын сөзү» адланан Иса Мәсиһ «Падшаһлар падшаһы» кими ҝөрүнмәмиш бир иши һәјата кечирмәк үчүн һәрәкәтә кечиб Аллаһын дүшмәнләрини мәғлуб едәҹәк вә Онун халгыны гуртараҹаг (Вәһј 19:11—16). Иса Мәсиһ бунлары «дүнја јаранандан бәри» ҝөрүлмәмиш «бөјүк мүсибәт» заманы едәҹәк (Мәтта 24:21, 42).

^ абз. 3 Мүгәддәс Китабда чохлу ады олан башга инсанлар һагда да јазылыб. Мәсәлән, Јагуб (һәмчинин Исраил адланыб), Бутрус (һәмчинин Шимон адланыб) вә Тадај (һәмчинин Јәһуда адланыб) (Јарадылыш 49:1, 2; Мәтта 10:2, 3; Марк 3:18; Һәвариләрин ишләри 1:13).

Әлава мәлумат

МҮГӘДДӘС КИТАБ ТӘЛИМЛӘРИ

Мүгәддәс Китаб мәләкләр барәдә нә дејир?

Мәләкләр вә ҹинләр һәгигәтән мөвҹуддурлар? Онлар бизә көмәк едә вә ја зијан јетирә биләрләр? Бу суаллара Мүгәддәс Китабда ҹаваб вар.