Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Аллаһ-Таала фикрини дәјишә биләр?

Аллаһ-Таала фикрини дәјишә биләр?

Мүгәддәс Јазыларын ҹавабы

Бәли. Һансы мәнада? Инсанын давранышы дәјишәндә, Јеһованын да она олан мүнасибәти дәјишир. Мисал үчүн, Аллаһ гәдим Исраил халгына һөкм хәбәрини ҝөндәрәндә О белә демишди: «Бәлкә, гулаг асыб бәд әмәлләриндән әл чәкәрләр. Мән дә бәд әмәлләринә ҝөрә башларына ҝәтирмәк истәдијим бәладан ваз кечәрәм» (Әрәмја 26:3).

Бир чох Мүгәддәс Китаб тәрҹүмәсиндә бу ајә елә тәрҹүмә олунуб ки, санки Аллаһ халгын башына бәла ҝәтирмәк истәдијинә ҝөрә пешман олуб. Бу да елә тәәссүрат ојада биләр ки, Аллаһ сәһв едир. Анҹаг орижинал ибрани сөзү «фикрини, нијјәтини дәјишмәк» мәнасыны верә биләр. Бир алим јазмышды: «Инсанын әмәлләринин дәјишмәси илә Аллаһын һөкмү дәјишә биләр»

Аллаһ-Тааланын фикрини дәјишә билмәси, о демәк дејил ки, О буну мүтләг етмәлидир. Мүгәддәс Китабда Аллаһын фикрини дәјишмәдији ҝөстәрән бәзи мәгамлар гејд олунуб. Ҝәлин онлары нәзәрдән кечирәк.

  • Аллаһ јол вермәди ки, Балаг Онун фикрини дәјишдирсин вә О да Исраил халгыны ләнәтләсин (Сајлар 23:18—20).

  • Бир дәфә Исраил падшаһы Талут ҝүнаһ ишләмишди. Аллаһ ону һөкмдарлыгдан рәдд етмәк фикринә ҝәлди вә бу фикрини дәјишмәди (1 Ишмуил 15:28, 29).

  • Аллаһ Оғлуну әбәди каһин етмәк вәдини һәјата кечирәҹәк. О, фикрини дәјишмәјәҹәк (Зәбур 110:4).

Мәҝәр Мүгәддәс Китабда дејилмир ки, Аллаһ һеч вахт дәјишмир?

Бәли, Мүгәддәс Китабда Аллаһын белә бир Кәламы вар: «Мән Јеһовајам. Мән дәјишмирәм» (Мәлаки 3:6). Ејнилә, Мүгәддәс Китабда дејилир ки, Аллаһ «көлҝә кими дәјишкән дејил» (Јагуб 1:17). Бу факт Аллаһын фикринин дәјишмәси илә бағлы Мүгәддәс Китабда јазыланлара зидд дејил. Аллаһ дәјишилмәздир — Онун шәхсијјәти, мәһәббәт вә әдаләт принсипләри дәјишилмәздир (Ганунун тәкрары 32:4; 1 Јәһја 4:8). Анҹаг, О, инсанлара мүхтәлиф заманларда, мүхтәлиф ҝөстәришләр верә биләр. Мисал үчүн, Аллаһ Давуд падшаһа ики дөјүшлә бағлы мүхтәлиф ҝөстәриш вермишди ки, бу да уғурла нәтиҹәләнмишди (2 Ишмуил 5:18—25).

Аллаһ инсанлары јаратдығына тәәссүф едир?

Хејр, Аллаһ инсанларын Она гары гаршы чыхмасына вә ја Ону сајмамасына кәдәрләнир. Нуһун Дашгынындан әввәлки вәзијјәти тәсвир едәрәк Мүгәддәс Китабда дејилир: «Јеһова јер үзүндә инсанлары јаратдығына тәәссүф етди вә кәдәрләнди» (Јарадылыш 6:6). Бу ајәдә «тәәссүф етмәк» ифадәси ибраниҹә «фикрини дәјишмәк» мәнасыны верә билән сөздән јараныб. Дашгындан әввәл јашајан инсанларла бағлы Аллаһ фикрини дәјишди, чүнки онлар јолларыны азмышдылар (Јарадылыш 6:5, 11). Онларын пис јолу сечмәси Аллаһы мәјус етди, анҹаг Онун бәшәријјәтә даир нијјәти дәјишмәди. О, Дашгындан Нуһун аиләсини хилас едәрәк инсан нәслини горуду (Јарадылыш 8:21; 2 Бутрус 2:5, 9).

Әлава мәлумат

ИЛАҺИ МҮЖДӘ

Аллаһы таныјаг

Аллаһын нечә ады вар? Дүнјадакы әзаблар Аллаһдандырмы?