Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Мәктәби атмаға дәјәрми?

Мәктәби атмаға дәјәрми?

Бир аз ҝөтүр гој ет:

Сәнин јашадығын әразидә минимум тәһсил мүддәти нечә илдир? Бәс сән тәһсилини тамамламысан? Әҝәр Мүгәддәс Китабын «гој һәр кәс һөкумәтә табе олсун» әмрини позараг тәһсилини вахтындан әввәл дајандырсан, бу, сән тәрәфдән мүдрик һәрәкәт олмазды (Инҹил, Ромалылара 13:1).

Тәһсиллә бағлы мәгсәдимә чатмышам? Тәһсилин көмәјилә һансы мәгсәдләрә наил олмаг истәјирсән? Әмин дејилсән? Әслиндә, олмалысан! Әкс тәгдирдә, гатара миниб һара ҝетмәк истәдијини билмәјән сәрнишинә бәнзәјәҹәксән. Буна ҝөрә дә валидејнләринлә « Тәһсил алмагда мәгсәдим» адлы чәрчивәдәки суалларын үзәриндә фикирләшин. Валидејнләринлә бирликдә мүәјјән етдијиниз мәгсәдләрә чатмајынҹа мәктәби атмаг һаггында фикирләшмә.

Мәктәби јарымчыг гојмаг ҝетдијин јерә чатмамыш гатардан тулланмаға бәнзәјир

Мәктәби атмагда нијјәтим нәдир? Јәгин, сән валидејнләринә мадди ҹәһәтдән көмәк етмәк вә ја Аллаһа хидмәтини ҝенишләндирмәк истәјирсән. Худбинликдән ирәли ҝәлән сәбәбләр арасында исә имтаһандан вә дәрс охумагдан ҹаныны гуртармаг ола биләр. Әсас одур ки, нијјәтләринин архасында әсаслы сәбәбләрин, јохса егоист истәкләрин дурдуғуну мүәјјән едәсән. Јалныз проблемләрдән гачмаг үчүн мәктәби атырсанса, үмидләрин мүтләг боша чыхаҹаг.

Мәктәби јарымчыг гојмаг лазыми јерә чатмамыш гатардан тулланмаға бәнзәјир. Ола билсин, гатарла ҝетмәк нараһатдыр, сәрнишинләр дә бир о гәдәр меһрибан дејилләр. Анҹаг әҝәр сән гатардан туллансан, тәбии ки, ҝетмәк истәдијин јерә чатмајаҹагсан, үстәлик, ағыр јараланаҹагсан. Чох еһтимал ки, иш тапмаг чәтин олаҹаг, тапдығын ишин исә маашы мәктәби битирәнләрә нисбәтән аз олаҹаг.

Беләликлә, мәктәби јарымчыг гојмагданса, орада јаранан проблемләри сәбирлә һәлл етмәји өјрән. Бөјүјәндә һәјатын чәтинликләринә даһа һазырлыглы олаҹагсан.

 Тәһсил алмагда мәгсәдим

Тәһсилин әсас мәгсәди сәни иш тапмаға, өзүнү вә гураҹағын аиләни мадди ҹәһәтдән тәмин етмәјә һазырламагдыр (Инҹил, 2 Салоникилиләрә 3:10, 12). Нә ишлә мәшғул олмаг истәдијинә артыг гәрар вермисән? Бунун үчүн мәктәбдә һансы баҹарыға јијәләнә биләрсән? Гаршына гојдуғун мәгсәдә неҹә наил олаҹағыны билмәк үчүн өзүнә нөвбәти суаллары вер:

  • Һансы ҝүҹлү ҹәһәтләрә маликәм? (Мәсәлән, инсанларла дил тапа билирсән? Әлләринлә ишләмәји — нә исә дүзәлтмәји вә ја тәмир етмәји хошлајырсан? Бәлкә, сәнин проблемләри ајырд етмәк вә чәтин вәзијјәтләрдән асан чыхыш јолу тапмаг габилијјәтин вар?)
  • Һансы иш ҝүҹлү ҹәһәтләрими үзә чыхартмаға имкан јарадаҹаг?
  • Јашадығым әразидә һансы саһәләрдә иш тапмаг мүмкүндүр?
  • Ҝәләҹәкдә иш тапмаг үчүн мәктәбдә һансы дәрсләри охумалыјам?
  • Өз мәгсәдимә чатмаг үчүн мәктәбдә даһа һансы имканлардан истифадә едә биләрәм?

Јадда сахла ки, сәнин мәгсәдин һәјатда јарарлы олаҹаг тәһсил алмагдыр. Бу сәбәбдән, башга бир ифрата варараг әбәди тәләбәјә — «гатардан дүшә билмәјән» вә јеткин һәјата гәдәм гојмагдан горхан тәләбәјә чеврилмә.

 

Әлава мәлумат

ЈЕНИЈЕТМӘЛӘР

Ҝәнҹләрин суаллары (ҹилд 1)

Китабда спиртли ичкиләр, наркотик маддәләр, әхлаг вә әкс ҹинслә мүнасибәтләр кими мөвзулара тохунулур.