Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

ҜӘНҸЛӘРИН СУАЛЛАРЫ

Һансы маһныја гулаг асмағымын фәрги вар?

Һансы маһныја гулаг асмағымын фәрги вар?

«Ҝүнә маһны илә башлајырам. Машында оланда маһныја гулаг асырам. Евдә истираһәт едәндә, еви тәмизләјәндә, һәтта китаб охујанда белә, маһны динләјирәм. Мусигисиз јашаја билмирәм» (Карла).

Сән дә Карла кими мусигини хошлајырсан? Әҝәр еләдирсә, онда бу мәгалә сәнә мусигидән һәзз алмаға, онун тәләләриндән гачмаға вә ағылла маһны сечмәјә көмәк едәҹәк.

 Фајдасы

Маһныја гулаг асмағы јемәк јемәјә бәнзәтмәк олар. Һәр ики мәсәләдә инсана һәдди ашмамаг вә дүзҝүн сечим етмәк фајда ҝәтирир.

  • Маһны әһвал-руһијјәни јахшылашдырыр.

    «Ҝүнүм пис кечирсә, хошладығым маһныја гулаг асырам вә әһвалым дүзәлир» (Марк).

  • Маһны хош хатирәләри јадына салыр.

    «Чох вахт гулаг асдығым бәзи маһнылар кечмиш хатирәләрими јадыма салыр. Һәр дәфә онлара гулаг асанда үрәјим ачылыр» (Шејла).

  • Маһны бирләшдирир.

    «Мән Јеһованын Шаһидләринин бејнәлхалг топлантысында иштирак етмишәм. Бүтүн гонаглар сонунҹу нәғмәни охујанда ҝөз јашларымы сахлаја билмәдим. Мүхтәлиф дилләрдә данышсаг да, мусиги бизи бирләшдирди» (Теми).

  • Мусиги дәјәрли хүсусијјәтләр јетишдирир.

    «Һансыса мусиги аләтини өјрәнмәк сәнә сәбирли вә тәмкинли олмаға көмәк едәҹәк. Бир ҝүнә пешәкар олмаг мүмкүн дејил. Анҹаг мәшг етсән, өјрәнәҹәксән» (Анна).

Билирсән? Мүгәддәс Китабын ән бөјүк бөлмәси олан «Зәбур» 150 нәғмәдән ибарәтдир.

Једијимиз јемәјә фикир вердијимиз кими, гулаг асдығымыз маһныја да фикир вермәлијик

 Тәләләри

Хараб олмуш јемәк кими, бәзи маһнылар да сәни зәһәрләјә биләр. Ҝәл бахаг ҝөрәк нијә.

  • Маһныларын чоху әхлагсыз сөзләрлә долудур.

    «Демәк олар ки, мәшһур маһныларын һамысы әхлагсызлыг барәдәдир. Онлар буну һеч ҝизләтмәјә белә чалышмырлар» (Һанна).

    Мүгәддәс Китабда дејилир: «Әхлагсызлығын, һәр ҹүр натәмизлијин, аҹҝөзлүјүн адыны белә, чәкмәјин» (Ефеслиләрә 5:3). Өзүндән соруш: «Гулаг асдығым маһнылар бу ҝөстәришә риајәт етмәјә мане олмур ки?»

  • Бәзи маһнылар сәни кәдәрә гәрг едә биләр.

    «Һәрдән ҝеҹәләр узаныб маһнылара гулаг асырам. Һәмин маһнылар мәни әлдән салан шејләр барәдә фикирләшмәјә вадар едир. Кәдәрли маһнылара гулаг асанда бәдбин фикирләрә далырам» (Теми).

    Мүгәддәс Китабда дејилир: «Һәр шејдән чох үрәјини гору» (Мәсәлләр 4:23). Өзүндән соруш: «Гулаг асдығым маһнылар мәни мәнфи фикирләрә салмыр ки?»

  • Бәзи маһнылар сәндә гәзәб јарада биләр.

    «Өзүнә нифрәт һисси илә вә гәзәбли сөзләрлә долу маһнылар мәним үчүн ҝизли тәһлүкәдир. Фикир вермишәм ки, белә маһнылара гулаг асанда әһвалым дәјишир. Һәтта валидејнләрим дә буну һисс едибләр» (Ҹон).

    Мүгәддәс Китабда дејилир: «Бүтүн бунлары: гәзәби, һирси, пислији, тәһгирамиз данышығы кәнара гојун вә дилинизә налајиг сөзләр ҝәтирмәјин» (Колослулара 3:8). Өзүндән соруш: «Гулаг асдығым маһнылар мәни башгаларынын һиссләринә етинасыз јанашмаға, агрессив олмаға вадар етмир ки?»

Чыхыш јолу вар? Бәли, вар. Гулаг асдығын маһнылара фикир вер. Ҹулиа адлы јенијетмә дә белә едир. О дејир: «Мәндә олан маһнылары тез-тез нәзәрдән кечирирәм, мүнасиб олмајанлары силирәм. Бу, һәмишә асан олмур, амма билирәм ки, дүзҝүн давранырам».

Тара адлы ҝәнҹ гыз да ејни ҹүр давраныр. О дејир: «Һәрдән радиода ҝөзәл мусиги илә башлајан маһны верирләр. Мусигиси нә гәдәр ҝөзәл олса да, сөзләрини ешидәндән сонра далғаны дәјишмәли олурам. Белә етмәк ләззәтли бир тортун дадына бахандан сонра ондан имтина етмәјә бәнзәјир. Әҝәр мән әхлагсызлыгдан бәһс едән маһныдан имтина едә билирәмсә, никаһдан габаг ҹинси әлагәдән дә имтина едә биләҹәјәм. Гулаг асдығым маһнылар мәнә тәсир едә биләр, бу сәбәбдән буна ҝөз јуммаг истәмирәм».

Һәмчинин бах

Әлава мәлумат

«АЛЛАҺЫН МӘҺӘББӘТИНДӘН АЈРЫЛМАЈЫН»

Аллаһа мәгбул әјләнҹәни неҹә сечә биләрик?

Үч суал сәнә мүдрик гәрар гәбул етмәјә көмәк едәҹәк.