Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

ҜӘНҸЛӘРИН СУАЛЛАРЫ

Гәзәбими неҹә ҹиловлаја биләрәм?

Гәзәбими неҹә ҹиловлаја биләрәм?

 Тест

  • Тез-тез гәзәбләнирсән?

    • демәк олар ки, һеч вахт

    • бәзән

    • һәр ҝүн

  • Нә дәрәҹәдә гәзәбләнирсән?

    • аз

    • чох

    • һәддән артыг

  • Ән чох кимә гәзәбләнирсән?

    • валидејнләринә

    • баҹы вә ја гардашына

    • достуна

Әҝәр гәзәбини ҹиловламаға еһтијаҹын варса, онда бу мәгалә сәнә көмәк едәҹәк. Әввәла, әсәбләшәркән сакитлији горумағын нә үчүн ваҹиб олдуғуну ҝөстәрән бир нечә сәбәби арашдыраг.

 Нијә ваҹибдир?

Сағламлығын үчүн. Мәсәлләр 14:30 ајәсиндә дејилир: «Сакит үрәк ҹаны сағлам едәр». Бир тибб журналында дејилир: «Гәзәб бирбаша үрәк-дамар хәстәлијинә ҝәтириб чыхарыр» («Journal of Medicine and Life»).

Достларын үчүн. Мүгәддәс Китабда дејилир: «Өзүндән тез чыханла јолдаш олма, һирсли адамла отуруб-дурма» (Мәсәлләр 22:24). Әҝәр тез-тез өзүндән чыхырсанса, инсанларын сәндән гачмасына тәәҹҹүбләнмә. Жасмин адлы гыз дејир: «Әҝәр сән гәзәбини идарә едә билмирсәнсә, достлуг мүнасибәтләриндән һәзз алмајаҹагсан».

Адын үчүн. 17 јашлы Етан дејир: «Гәзәбини ҹиловлаја билмәсән, инсанлар буну ҝөрәҹәк вә сәни бу ҹүр адам кими таныјаҹаглар». Өзүндән соруш: «Инсанларын мәни неҹә танымасыны истәјирәм: сакит, сүлһә ҹан атан, јохса вулкан кими пүскүрән адам кими?» Мүгәддәс Китабда јазылыр: «Өзүндән тез чыхмајан бәсирәт саһибидир, һөвсәләсиз исә сәфеһлијини нүмајиш етдирәр» (Мәсәлләр 14:29).

Һеч кәс вулкан кими пүскүрән инсана јахын ҝетмәз

 Нә едә биләрсән?

Ашағыдакы ајәләри вә шәрһләри нәзәрдән кечир вә суаллары өзүнә вер

  • Мәсәлләр 29:22: «Өзүндән тез чыхан дава јарадар, һирсли адамын хәтасы чох олар».

    «Јенијетмә оланда гәзәбими ҹиловламаг чох чәтин иди. Ата тәрәфдән гоһумларымда да бу проблем вар. Нәсилликҹә һамымыз гәзәблијик. Гәзәбимизи ҹиловламаг чох чәтиндир!» (Керри).

    Гәзәбләнмәјә мејиллијәм? «Јахшы хүсусијјәтләрә өзүм јијәләнмишәм, амма пис хүсусијјәтләр ирсән кечиб» демәк нә гәдәр дүзҝүн оларды?

  • Мәсәлләр 15:1: «Мүлајим ҹаваб һирси јатырар, кобуд сөз гәзәб ојадар».

    «Әсас одур ки, һиссләрини идарә етмәји өјрәнәсән. Әҝәр мүлајим олмаға чалышсан, мүсбәт шејләрә фикрини ҹәмләсән, онда фикирләшмәјәҹәксән ки, гәзәбләнмәјә дәјәр ја јох» (Дарил).

    Әсәбләшәркән дејәҹәјин илк сөзләр нә үчүн ваҹибдир?

  • Мәсәлләр 26:20: «Одун олмајанда оҹаг сөнәр, бөһтанчы олмајанда да дава кәсиләр».

    «Һәлим ҹаваб верәндә, адәтән гаршымдакы инсан сакитләшир вә һәр икимиз өзүмүздән чыхмадан, сакит шәкилдә данышырыг» (Жасмин).

    Данышығым вә һәрәкәтләрим одун үстүнә неҹә бензин төкә биләр?

  • Мәсәлләр 22:3: «Узагҝөрән бәланы дујуб ҝизләнәр, ҹаһил исә габаға ҝедиб зијан тапар».

    «Бәзән тәклијә чәкилиб баш верәнләр һагда фикирләшмәјә еһтијаҹ дујурам, чүнки јалныз сакитләшәндән сонра мәсәләни һәлл едә биләрәм» (Гари).

    Вәзијјәт ҝәрҝинләшәндә чыхыб ҝетмәк о демәкдирми ки, сән гаршы тәрәфи сајмырсан?

  • Јагуб 3:2: «Чүнки һәр биримиз дәфәләрлә сәһв едирик».

    «Сәһвләримизә ҝөрә пешман олуруг, амма ҝәрәк онлардан дәрс дә ҝөтүрәк. Јыхыланда ҝәрәк дәрһал ајаға галхасан вә ҝәлән дәфә о сәһви тәкрарламамаг үчүн гәтијјәтли оласан» (Керри).

Мәсләһәт. Мәгсәд гој. Мүәјјән бир вахт әрзиндә, мәсәлән, бир ај әрзиндә сакитлијини горумаға гәтијјәтли ол. Бир ҝүндәлик тут вә ирәлиләјишини излә.

Әлава мәлумат

ОЈАНЫН!

Һирсинизи ҹиловлајын

Мүгәддәс Китаба әсасланан беш принсип һирсинизи ҹиловламаға көмәк едәҹәк.

МҮГӘДДӘС ЈАЗЫЛАРА АИД СУАЛЛАРА ҸАВАБ

Аллаһа јалварсам, мәнә көмәк едәҹәкми?

Аллаһ проблемләримизи ҝөрүрмү?