Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Валидејнләрим бошаныр. Мән нә едим?

Валидејнләрим бошаныр. Мән нә едим?

Сән нә едә биләрсән?

Нараһатчылығыны бөлүш. Валидејнләринә нә гәдәр мәјус вә тәлаш ичиндә олдуғуну билдир. Ола билсин, атанла анан нә баш вердијини изаһ едәҹәкләр, бу да сәнин нараһатчылығыны азалдаҹаг.

Әҝәр һал-һазырда валидејнләрин сәнә көмәк едәҹәк вәзијјәтдә дејилләрсә, јеткин достларындан биринә мүраҹиәт едә биләрсән (Сүлејманын мәсәлләри 17:17).

Ән әсасы исә, «дуалары ешидән» Уҹа Јарадан сәни һәр заман динләмәјә һазырдыр (Зәбур, Мәзмур 65:2). Бүтүн үрәјиндәкиләри Јеһова Аллаһа дејә биләрсән, чүнки О, сәнин гејдинә галыр (Инҹил, 1 Петер 5:7).

Нәји јахшы олар ки, етмәјәсән?

Валидејнләрин бошанмасынын ҝәтирдији ағры гол сынанда олан ағрыја бәнзәјир. Вахт кечдикҹә голун сағалдығы кими, сән дә оланлардан сонра өзүнә ҝәләҹәксән

Кин сахлама. «Валидејнләрим анҹаг өзләрини дүшүнүрдүләр. Онлар бунун бизә неҹә тәсир едәҹәјини һеч нәзәрә алмадылар», — 7 јашлы Даниел данышыр.

Әҝәр Даниел һирсләнмәјә вә инҹиклијә сон гојмаса, бунун она зәрәри ола биләр? (Ипуҹу: Сүлејманын мәсәлләри 29:22 ајәсини оху.)

Үрәјини сындырдыглары үчүн валидејнләрини бағышламаг Даниелә асан олмаса да, нәјә ҝөрә буну етмәси јахшы оларды? (Ипуҹу: Инҹил, Ефеслиләрә 4:31, 32 ајәләрини оху.)

Өзүн-өзүнә дүшмән кәсилмә. Дени хатырлајыр: «Валидејнләрим бошанандан сонра өзүмү бәдбәхт һисс едирдим вә депрессијаја дүшмүшдүм. Дәрсләримдә зәифләмәјә башладым вә бир ил синифдә галдым. Бундан сонра мәктәбдә тәлхәклик едир вә аддымбашы ушагларла дава-далаша ҝириширдим».

Сәнҹә, Дени дәҹәллик етмәклә нәјә наил олмаг истәјирди?

Онун далашганлығынын сәбәби нә ола биләрди?

Әҝәр сәндә дә пис һәрәкәтләринлә валидејнләриндән аҹыг чыхмаг истәји јаранырса, Мүгәддәс Јазыларын Галатијалылара 6:7 ајәсиндәки принсип сәнә дүзҝүн давранмаға неҹә көмәк едәҹәк?

Емосионал јараларын сағалмасы үчүн вахт лазымдыр. Һәјатын өз ахарына дүшмәјә башладыгдан сонра сән өзүнү јахшы һисс едәҹәксән.

 

Әлава мәлумат

ЈЕНИЈЕТМӘЛӘР

Ҝәнҹләрин суаллары (ҹилд 1)

Китабда спиртли ичкиләр, наркотик маддәләр, әхлаг вә әкс ҹинслә мүнасибәтләр кими мөвзулара тохунулур.