Контентә кеч

Икинҹи дәрәҹәли менју

Јеһованын Шаһидләри

Aзәрбајҹан (кирил әлифбасы)

Јахшы гијмәтләр алмаг үчүн нә едим?

Јахшы гијмәтләр алмаг үчүн нә едим?

Сән нә едә биләрсән:

Мүсбәт тәрздә дүшүн! Фикирләшмә ки, јахшы охумаг сәндә һеч ҹүр алынан дејил. Белә пис фикирләр бејнинә ҝирәндә, чалыш, сәндә нәјин даһа јахшы алындығы һагда дүшүнәсән. Мәсәлән, бир дәфә ҹамаат, ола билсин, әсассыз олараг Аллаһын хидмәтчиләриндән бири, һәвари Павелин нитг сөјләмәк габилијјәтини лаға гојанда о белә фикир сөјләди: «Әҝәр натиг кими мәһарәтли дејиләмсә, биликдә ки әскиклијим јохдур» (Инҹил, 2 Коринфлиләрә 10:10; 11:6). Һәвари һансыса зәиф ҹәһәтләринин олдуғуну данмырды. Ејни заманда нәјә габил олдуғуну да чох јахшы билирди. Бәс сәнин барәндә нә демәк олар? Ҝүҹлү ҹәһәтләрини садалаја биләрсән? Әҝәр ағлына һеч бир шеј ҝәлмирсә, онда сәни севән бөјүкләрдән соруш. Белә дост ҝүҹлү тәрәфләрини ҝөрмәјә вә онлары инкишаф етдирмәјә көмәк едә биләр.

Һәр шеји планлашдыр. Јахшы охумаға ҝедән јол гыса дејил. Әввәл-ахыр охумалы олаҹагсан. Хошуна ҝәлсә дә-ҝәлмәсә дә, охумаға дәјәр. Бир аз сәј ҝөстәр — ким билир, бәлкә хошуна ҝәлди. Јахшы охумаг үчүн һәр шеји планлашдырмаг лазымдыр. Јадда сахла: нә гәдәр ки, мәктәблисән, охумаг — сәнин әсас ишиндир. Әлбәттә, Аллаһын Кәламында дејилир ки, «ҝүлмәјин өз вахты» вә «рәгс етмәјин өз вахты» вар (Ваиз 3:1, 4; 11:9). Бүтүн ушаглар кими, сән дә вахтыны шән кечирмәк үчүн имкан ахтарырсан. Лакин Аллаһын Кәламында белә бир хәбәрдарлыг вар: «Күләјә бахан тохум сәпмәз, булудлара бахан әкдијини бичмәз» (Ваиз 11:4). Ваҹиб ишләри сонраја сахлама. Нараһат олма, дәрс охумаға да, истираһәтә дә вахтын галаҹаг!

Ағырлыг галдырмаг әзәләләри инкишаф етдирдији кими, јахшы охумаг вәрдиши дә дәрсләрдән гијмәтләрини галдыра биләр.