Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 NAYRÏR JANAN PʼEQEÑCHÄWIPA | ANGELANAKAT ¿KUNSA BIBLIAJJ YATICHI?

¿Sapa maynit mä uñjir angelanïtanjja?

¿Sapa maynit mä uñjir angelanïtanjja?

Biblianjja sapa mayniw mä uñjir angelanïtanjja sasajj janiw yatichkiti. Cheqas Jesusajj akham sänwa: “Janipun aka jiskʼanakat maynirus jiskʼachapjjamti [Criston discipulonakapa]. Nayajj sapjjsmawa, alajjpachankir angelanakapajj alajjpachankir Awkijan ajanup uñjasipkapuniwa” sasa (Mateo 18:10). Ukampis ukham sasinjja, Jesusajj janiw sapa maynis mä angelanïksna ukham sañ munkänti. Jan ukasti, angelanakajj cristianonakar yanaptʼañ wal munapjje sañ Jesusajj munaskäna. Ukhamasti, angelanakaw uñjaskitani sasajj janiw cristianonakajj jan walinakar purtʼasirjam sarnaqapkiti.

Ukhamasti ¿angelanakajj janit yanaptʼkistu? Janiw uk sañ munkiti (Salmo 91:11). Yaqhep jaqenakajja, Diosajj angelanakapampiw yanaptʼitu sasaw confiyapjje. Kenneth jilatajj ukham amuyaraki, jupatjja aka revista qalltan parlaniwaytanjja. Ukajj cheqäskapunïnti janicha ukjja janiw sisksnati. Jehová Diosan Testigonakapajj kunjamsa angelanakajj yatiyañatak yanaptʼasipki uk qhan amuyapjje. Ukampis niyakejjay angelanakar jan uñjkstanjja, kunjamsa Diosajj angelanakap taypejj jaqenakar yanaptʼi uk janiw yatktanti. Ukhamajj Diosar taqe yanaptʼanakapat yuspärañajj walikïskiwa (Colosenses 3:15; Santiago 1:17, 18).