Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

¿Kunas Diosan Reinopajja?

¿Kunas Diosan Reinopajja?

¿Kunas Diosan Reinopajja?

JAQENAKAJJ AKHAM SAPJJEWA Diosan Reinopajj chuymasanwa utji, yaqhepajj jan walinak chhaqtayañatak jaqenakajj chʼamachasipki ukawa sasaw sapjjaraki. ¿Jumajj kamsasmasa?

BIBLIAJJ AKHAM SIWA

“Alajjpachankiri Diosajj mä yaqha reino saytʼayarakini, uka reinosti janipuniw tukjatäkaniti [...], jan ukasti jupaw taqe yaqha reinonakarojj tukjani” (Daniel 2:44). Ukhamasti Diosan Reinopajja, mä cheqpach gobiernowa.

BIBLIAJJ AKHAM SASKAKIWA

  • Diosan Reinopajj alajjpachat apnaqanini (Mateo 10:7, NM; Lucas 10:9).

  • Diosajj Reinop toqew munañap alajjpachansa ukhamarak aka oraqensa phoqaski (Mateo 6:10, NM).

¿Kunapachas Diosan Reinopajj jutani?

¿JUMAJJ KAMSASMASA?

  • Janiw khitis yatkiti

  • Niyaw purinjjani

  • Janiw jutkaniti

BIBLIAJJ AKHAM SIWA

“Diosan reinopat aka suma yatiyäwisti aka oraqpachanwa yatiyatäni, ukhamat taqe markanakan yatipjjañapataki, ukatsti akapachan tukusiñapaw jutani” (Mateo 24:14). Taqe cheqan suma yatiyäwinakajj yatiyaskani ukhaw Diosan Reinopajj jutani, uka qhepatwa jan walinakajj aka oraqet chhaqtayasjjani.

BIBLIAJJ AKHAM SASKAKIWA

  • Kunapachas Diosan Reinopajj jutani uk janiw khitis yatkiti (Mateo 24:36).

  • Biblian profecianakaparjamajja Diosan Reinopajj niyaw aka oraq apnaqjjani (Mateo 24:3, 7, 12).