Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

Diosan sutipaw nayra qollan qellqatanakan (chimptʼata) uñstaski

¿Bibliajj kamsisa?

¿Bibliajj kamsisa?

¿Diosajj sutinïpachati?

JAQENAKAJJ AKHAM SAPJJEWA Diosajj janiw sutinïkiti, yaqhepajj “Dios” jan ukajj “Tatitu” satawa sapjjewa, yaqhepasti walja sutiniwa sapjjarakiwa. ¿Jumajj kamsasmasa?

BIBLIAJJ AKHAM SIWA

“Juma sapak [Yavé jan ukajj ‘Jehová’, NM] * Diosätam yatipjjpan, aka oraqjjar juma sapak Alajjpachankirïtam yatipjjarakpan” (Salmo 83:18).

BIBLIAJJ AKHAM SASKAKIWA

  • Diosajj walja sutinakampi uñtʼatäkchisa, Jupa pachpaw mä suti uchasi (Éxodo 3:15).

  • Diosajj taqeni Jupar uñtʼapjjaspa ukwa muni, janiw jan uñtʼkay Diosäkiti (Hechos 17:27).

  • Diosar jakʼachasiñatakejj nayraqatajj sutip uñtʼañaw wakisi (Santiago 4:8).

¿Diosan sutipajj janit arsuñäkaspa?

¿JUMAJJ KAMSASMASA?

  • Jïsa

  • Janiwa

  • Inasa

BIBLIAJJ AKHAM SIWA

“Janiwa [Jehová] Tatitu Diosaman sutipjja inamayataki aytasïtati” (Éxodo 20:7). Diosan sutip jan respetompi aytañajj janiw walïkiti (Jeremías 29:9).

BIBLIAJJ AKHAM SASKAKIWA

  • Jesusajj Diosan sutip yatïnwa ukat sutip aytarakirïnwa (Juan 17:25, 26, MT).

  • Diosajj jupar sutipat jakʼachassna ukwa muni (Salmo 105:1).

  • Diosan enemigonakapajj jaqenakar Diosan sutip armasiyañ munapjje (Jeremías 23:27, NM).

^ tʼaqa 5 Qullan Arunaka Biblianjja, glosariopan “Tatitu” siski uka pʼeqeñchäwinjja, ‘Tatitojj Yavé [jan ukajj Jehová] sutimpiw uñtʼasiraki’ sasaw qhanañchi.