Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

Biblia toqet jisktʼanaka

Biblia toqet jisktʼanaka

¿Kuna amtampis profecianakajj Biblian qellqasiwayi?

¿Kunatsa Bibliajj kunanakatï jichha tiempon paski ukanakat parli? (Lucas 21:10, 11)

Biblian walja profecianakaw utji, ukampis kunjamsa, kawkhansa pasani uk wali sum qhanañchi. Jaqenakajj janiw kunas jutïrin pasani uk sum qhanañchksnati. Ukhamajj profecianakan phoqasitapajja, Bibliajj Diosan Arupätap amuyayistu. (Josué 23:14; 2 Pedro 1:20, 21 liytʼäta.)

Biblian qellqatäki uka profecianakan phoqasitapajja, Diosar jukʼamp iyawsañatakiw yanaptʼistu (Hebreos 11:1). Ukatsti kuntï Diosajj jutïritak arsuwayki ukanakat jan pächasiñatakis yanaptʼarakistuwa. Ukhamasti profecianakajj mä suytʼäw churistu. (Salmo 37:29; Romanos 15:4 liytʼäta.)

¿Kunjamsa profecianakajj yanaptʼistu?

Biblian profecianakapajja, cristianonakar jan walinakat jarkʼaqañatakiw yanaptʼi. Amuytʼañataki, kunapachatï nayrïr cristianonakajj Biblian profecianakap phoqasir uñjapjjäna ukhajja, jankʼakiw Jerusalén markat mistjjapjjäna. Qhepatjja, Jesusar jan iyawsapjjatap laykojj uka markajj tʼunjataw uñjasïna. Ukampis Jesusar iyawsapkäna uka cristianonakajj uka cheqat mistjjapjjänwa ukhamatwa qhespiyasipjjäna. (Lucas 21:20-22 liytʼäta.)

Phoqasiwayki uka profecianakajja, Diosan Reinopajj niyaw akapacha apnaqerinakar tʼunjani ukwa amuytʼayistu (Daniel 2:44; Lucas 21:31). Jichhürunakanjja, ukhamarakiw kunsa lurañäni uk sapa maynejj jankʼak amtjjañasa, ukhamat Jesucristompi askit uñjatäñataki, juparojj Diosaw reyïñapataki uttʼayawayi. (Lucas 21:34-36 liytʼäta.)