Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

Biblia toqet jisktʼanaka

Biblia toqet jisktʼanaka

¿Angelanakajj yanaptʼistaspati?

Nayra tiempojja, Daniel chacharuw yanaptʼapjjäna, jupajj Diosan serviripänwa, jichhürunakan ukhamarakiw Diosan Arup istʼapjjañapataki angelanakajj jaqenakar yanaptʼapjje

Diosajj jaqer janïr lurkasajja, millón millón angelanakaruw luräna (Job 38:4, 7). Uka chʼaman ajayunakajja, Diosaruw servipjje. Awisajj istʼasir jaqenakar yanaptʼapjjañapatakiw Diosajj jupanakar khiti (Salmo 91:10, 11). Jichhürunakanjja, kuntï Jesusan arkirinakapajj yatiyapki uk yateqapjjañapatakiw angelanakajj jaqenakar yanaptʼapjje. (Apocalipsis 14:6, 7 liytʼäta.)

Angelanakamp yanaptʼayasiñatakejj ¿jupanakarut mayisiñasa? Janiwa, mayisiñajj yupaychañampi sasiwa, jiwasajj Diosarukiw yupaychañasa (Apocalipsis 19:10). Niyakejjay angelanakajj Diosar servipjjchejja, Juparukiw istʼapjje janiw jaqenakarojj istʼapkiti. Ukhamajja, Diosarupuniw mayisiñasa Jesusan sutipjjaru. (Salmo 103:20, 21 ukat Mateo 26:53 liytʼäta.)

¿Jan wali angelanakajj utjpachati?

Angelanakajj jaqenakjamarakiw kunatï walïki, jan walïki uk ajllipjjañapatak luratäpjje. Ukampis waljaniw Diosar jan istʼañ ajlliwayapjje (2 Pedro 2:4). Nayraqatjja, Supayaw Dios contra saytʼäna, yaqha angelanakas ukhamarakiw lurapjjäna, ukhamatwa sajjrar tukuwayapjje. Niya jichhanakakiw Supayampi sajjranakapampejj alajjpachat aka Oraqeru jaqoqanitäpjjäna. (Apocalipsis 12:7-9 liytʼäta.)

Jan walinakajja, 1914 marat aksaruw walpun jiljjattawayi. Ukhamajja, Supayampiru sajjranakapampirojj niyaw Diosajj tukjani. Ukat aka Oraqjja mä paraisoruw tukuyjjani. (Apocalipsis 12:12 ukat 21:3, 4 liytʼäta.)