Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

Biblia toqet jisktʼanaka

Biblia toqet jisktʼanaka

¿Kunatsa Diosar mayisiñajj wali askejja?

Sapüru ukat jan ajjsarasa llakinakas awistʼassna ukwa Diosajj muni (Lucas 18:1-7). Jupajj jiwasanakat llakisiwa, ukatwa mayisitanakas istʼistu. Alajjpachankir Awkisajja munasiñapatwa Jupampi parltʼasiñatak invitistu. ¿Uka invitacionar istʼätati? (Filipenses 4:6 liytʼäta.)

Diosar mayisiñajja, janiw yanaptʼa mayisiñakïkiti jan ukasti Juparuw jakʼachasiraktanjja (Salmo 8:3, 4). Kunjamtï jikjjatastan uk sapa kuti Jupar yatiytan ukhajja, Jupampejj jukʼamp sumwa apastanjja. (Santiago 4:8 liytʼäta.)

¿Kunjamsa mayisiñasa?

Diosajj janiw jan uñtʼat arunakampi ukat pʼeqer yatsusin mayisiñas munkiti. Janirakiw saytʼatapuni jan ukajj qontʼatapuni mayisipjam siskistusa. Jan ukasti taqe chuyma mayisiñaswa muni (Mateo 6:7). Amuytʼañataki, nayra Israel markanjja, Ana sat warmejj familiapan llaki utjipanwa Diosar mayisïna. Uka qhepat llakit mistjjäna ukhajja, Diosarojj yuspärarakïnwa. (1 Samuel 1:10, 12, 13, 26, 27 ukat 2:1 liytʼäta.)

Taqe llakinakaswa Diosar yatiysna, ukajj ¡kusiskañapuniwa! Ukat taqe kuntï churkistu ukanakatsa jachʼañcharaksnawa, yuspäraraksnawa. Diosar mayisiñjja janipun armasipjjañäniti. (Salmo 145:14-16 liytʼäta.)