Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

¿Diosar atinisïtati?

¿Diosar atinisïtati?

MÄ MUNAT amigomarutï wali askit uñjasma ukat kuntï jan suykayäta uk luraspa, ukham amuytʼañäni. Kamisarak ukham lurjjanisti jan sinttʼasiripuniw sasin waljanejj amuyapjjaspa ukhajja, ¿jupanakjamarakit amigomat jan wal amuyjjasma, jan ukajj kunatsa ukham amuyapjje sasiñcha nayraqat yatjjatasma? Ukat kunatsa amigomajj ukham luri uk qhanañchañapatak jan ukankkaspa ukhajja, ¿pacienciamp jupar suytʼasmati?

Janïr kun amtkasajj akham jisktʼasiñamaw wakisispa: “¿Amigojar sumti uñttʼjja? ¿Kunatsa wali askit uñjta?” sasa. Ukhamajj Diosajj sinttʼasirïpachati janicha uk yatjjatañajj ¿janit wakiskarakispa?

Kunatsa Diosajj jan walinak jan chhaqtaykpacha jan ukajj utjayaskakpacha ukanakat amuyañajj chʼamakïspawa. Ukat waljanirakiw Diosajj jan sinttʼasiriw sasin sapjjätam ukat jupanakjam amuyañamatakiw apapjjarakïtam. Ukhaman uñjasisajj ¿jupanakar istʼaskañat sipansa, janit Diosat sum yatjjatañajj wakiskaspa? Jïsa, ukhamatwa Diosarojj sumti uñtʼtan janicha ukajj amuyasini. Akham jisktʼasiñamaw wakisirakispa: “¿Diosajj natakejj mä suma amigjamänti?” sasa.

Ukat inas akham amuyaraksta ‘jan waltʼäwinakan uñjaskayäta ukhajj Diosajj janiw yanaptʼawaykituti’ sasa. Ukampis ak amuytʼañama ¿kuna jan waltʼäwinakan jikjjatasitamat Jehová Diosajj yanaptʼawaytamti, jan ukajj jukʼampikich aynachtʼayawaytamjja? Kunjamtï yatjjataniwayktanjja, Supayaw ‘akapach apnaqerejja’ (Juan 12:31). Ukhamajj kuna jan waltʼäwinakatï utjki ukanakat jupaw juchani. Ukat pantjasirïtasata jan ukajj mä akatjamat kuna jan waltʼäwinakan uñjasiñajj utjakipunispawa ukanakat janiw qhespksnati.

¿Kuna jan waltʼäwinakan jikjjatasitamat Diosajj yanaptʼawaytamti, jan ukajj jukʼampikicha aynachtʼayawaytamjja?

¿Diosat kamsaraksnasa? Bibliarjamajj Jupaw alajjpachsa ukat akapachsa lurawayi. Ukat cuerposasa wali muspharkañ luratarakiwa sasaw qhanañcharaki. Jakäwisas Jupan amparapankarakiwa (Salmo 124:8; 139:14; Daniel 5:23). ¿Taqe ukanakajj kamsañs muni?

Jupïpanwa jaktanjja (Hechos 17:28). Ukat munasiñasa, mayninakamp sum apasiñasa, lakasasa, nasasasa, jiñchusasa, amparasasa, kayusasa..., taqe ukanakajj Diosan mä suma churäwipawa (Santiago 1:17). Cheqas taqe ukanak churatapatjja ¿Diosajj jan sinttʼasiriw saskaksnati, jan ukajj wali munasiri, atiniskaya ukat khuyaptʼayasir amigow sasach sissna?

Ukhamäkchisa, inas jumatak Diosar atinisiñajj chʼamakïskakchispa. Ukat inas akham amuyarakchisma ‘Diosar janiw sum uñtʼkti’ sasa. Cheqas aka mä qhawqha yatichäwinakanjja, jaqenakan jisktʼanakaparojj janiw sumpach qhanañchañjamäkiti. Ukampis ¿Jehová Diosar uñtʼañatak chʼamachasiñajj janit wakiskaspa? * Ukhamtï lurätajja, Juparuw sum uñtʼjjäta. Cheqas Jehová Diosajj janiw jan sinttʼasirïkiti, antisas ‘munasiriwa’ (1 Juan 4:8).

^ tʼaqa 8 Kunatsa Diosajj tʼaqhesiñanak utjayaskakpacha, uka toqet jukʼamp yatjjatañatakejja, ¿Kunsa Bibliax chiqpachapuni yatichi?, sat libron 11 jaljap uñjjattʼäta, ukajj Jehová Diosan Qhanañchirinakapan luratawa.