Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 LECCIÓN 2

Humilde chuymanïña

Humilde chuymanïña

¿KUNJAMAS HUMILDE CHUYMAN JAQEJJA?

Humilde chuymaninakajj wali respetasirïpjjewa. Janiw jachʼa jachʼa tukurïpkiti, ni sum uñjatäñsa suyapkiti. Jan ukasti mayninakat cheqapuniw llakisipjje, jupanakatsa yateqañ munapjjarakiwa.

Yaqhepanakajja, humildëñajj ajjsarir jaqempi sasiwa sasaw amuyapjje. Ukampis humilde jaqëñajja, kuntï jan lurirjamäktan, kunantï pantjasktan ukanak amuyañatakiw yanaptʼistu.

¿KUNATSA UKAJJ WALI WAKISKIRI?

  • Amigonakanïñatakiw yanaptʼani. La epidemia del narcisismo sat librojj akham siwa: “Humilde jaqenakajj facilakwa amigonak jikjjatapjje, mayninakampis sumwa apasipjjaraki” sasa.

  • Wawaman sum jakasiñapatakiw yanaptʼani. Wawamatï jiskʼatpach humilde chuymanïñ yateqani ukhajja, jachʼäjjasajj facilakwa trabajo jikjjatani. Leonard Sax sat doctorajj akham sasaw qellqäna: “Jachʼa jachʼa tukuri, kuntï jan lurirjamäki uk jan amuyasir wayn tawaqonakatakejja, trabajo jikjjatañajj chʼamakïspawa. Ukampis kuntï trabajo churirejj sani uk istʼirinakajja, trabajo jikjjatapjjaniwa” sasa. *

¿KUNJAMSA UK YATICHASMA?

Wawamarojj jupakis kunäkaspa ukham jan amuyañapatakiw yatichañama

BIBLIAJJ KAMSISA: “Maynitejj jan kunäkasina kunäkaspas ukham amuyaschejja, jupa pachpaw engañjasiski” (Gálatas 6:3).

  • Kunatï jan phoqaskaspa uk janiw sañamäkiti. Janiw akham sañamäkiti: “Kuntï lurañ munkta ukajj phoqasiniwa”. “Kunanaktï lurañ amtkta ukanak jikjjatätawa” sasa. Uka arunakajj wali chʼamañchtʼirjamäkchisa, jilapartejj janiw phoqaskapuniti. Ukampis kuntï wawanakamajj lurirjamäpki uk lurañatak chʼamachasipjjani ukhajja, jakäwipan ukajj yanaptʼaspawa.

  • Suma luratanakapat felicitañamawa. Wawamarutï ‘jumjamajj janiw khitis utjkiti’ säta ukhajja, janiw humildëñapatak yanaptʼkätati. Ukhamajj kuntï sum lurki ukanakat felicitañatakiw chʼamachasiñama.

  • Redes sociales ukan kunsa lurasipki ukwa uñjañama. Jaqenakajja, jupa pachpat jachʼañchasiñataki, kuntï sum lurañ yatipki jan ukajj kunanaktï jikjjatapki ukanakatakwa jilapartejj redes sociales ukan qellqapjje, uk lurasajj jan humilde chuymanïpjjatapwa uñachtʼayapjje.

  •   Jankʼak perdón mayisipjjañapatakiw yatichañama. Wawamatï pantjasini ukhajja, kunansa pantjasi uk amuyasiñapatakiw yanaptʼañama.

Yuspärasirïpjjañapatakiw yatichañama

BIBLIAJJ KAMSISA: “Yuspärasirïpjjapunim” (Colosenses 3:15).

  • Diosan luratanakapat yuspäraña. Wawanakajja, Diosan taqe luratanakap valoranitwa uñjapjjañapa. Sañäni, samana utjipana, um utjipana, manqʼa utjipanwa jaktanjja, uk amuyapjjañapatakiw wawanakamar yanaptʼañama. Uk amuyañasti Diosan luratanakap respetomp uñjapjjañapataki, yuspärasirïpjjañapatakiw yanaptʼani.

  • Mayninakan suma luratanakapat yuspäraña. Wawamarojja, mayninakajj mä kunans jupat sipan jilankatap amuyaña, mayninakat jan envidiasiña, antisas jupanakat yateqasiñwa yatichañama.

  • Taqe chuyma yuspärasirïñwa yatichañama. Wawamarojja, taqe chuyma yuspärasirïñwa yatichañama, janiw arumpikiñapäkiti. Ukaw humilde chuymanïñapatakejj yanaptʼani.

Kunatsa mayninakar yanaptʼañajj wakisi ukwa yatichañama

BIBLIAJJ KAMSISA: “Mayninakarojj humilde chuymamp uñjapjjam, jumanakat sipansa jilïrïpkaspas ukhama. Jan jumanak pachpatak llakisipjjamti, jan ukasti mayninakatsa llakisipjjarakim” (Filipenses 2:3, 4).

  • Utan lurañanakampiw yanaptʼayasiñama. Jan yanaptʼayaskasma ukhajja, kuntï lurañ munki ukakis jukʼamp wakiskirïkaspa ukhamwa amuyaspa. Anatañat sipansa utan lurañanakampi yanaptʼañaw nayrankañapa. Lurañanakap phoqatapajj qhawqsa familiar yanaptʼi ukwa amuytʼayañama. Yanaptʼatapat qhawqsa jupar munasipjjani respetapjjarakini uksa amuytʼayañamarakiwa.

  • Mayninakar yanaptʼañajj kunja askisa ukwa yatichañama. Mayninakat llakisiñajj amuytʼasir jaqëñapatakiw wawamar yanaptʼani. Ukhamajja, khitinakas yanaptʼatäñ munapjje, ukat kunjamsa yanaptʼaspa ukwa wawamamp amuytʼapjjañama. Jupatï yanaptʼani ukhajja, ‘walik ukham lurtajja’ sañamawa.

^ Párrafo 8 El colapso de la autoridad sat librot apstʼatawa.