Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 1 YATICHÄWI

May yatiyañ munsma

May yatiyañ munsma

¿Juma saparuk kuns awistʼapjjerïtamti?... * Bibliajj ‘Diosan imantat amtanakapatwa’ parli. Nayrajj janiw khitirus uk yatiykänti, ukatwa ‘imantat amtanaka’ satajja. Angelanakas uk yatiñ wal munapjjerïna. ¿Jumajj uk yatiñ munarakismati?...

¿Kuna toqetsa angelanakajj yatiñ munapjjpacha?

Jehová Diosajj nayrapachaw nayrïr chacha warmir luräna. Jupanakajj Adán ukat Eva satäpjjänwa. Diosaw sum jakasipjjañapatak mä suma cheq waktʼayäna, ukajj Edén jardín satänwa. Jupanakatï Jehová Diosar istʼapjjasapäna ukhajja, jupanakasa ukat wawanakapasa taqe aka Oraqjja mä suma paraisoruw tukuyapjjasapäna ukat wiñayatakiw ukan jakasipjjasapäna, ukwa Diosajj munäna. Ukampis ¿kunsa Adanampi Evampejj lurapjjpachäna?...

Jupanakajj janiw Diosar istʼapkänti, ukatwa jichhürunakan jan walin jakastanjja. Ukampis Diosajj akham sistuwa: “Wasitatwa aka Oraqjja mä suma paraisor tukuyä, ukat taqeniw wiñayatak wali kusisit jakasipjjani” sasa. ¿Kunjamsa uk phoqpachäni? Ukjja janiw nayrajj khitis yatkänti. ¡Imantatänwa!

Kunapachatï Jesusajj aka Oraqenkkäna ukhaw uka toqet jukʼamp qhanañchäna. Diosan Reinopaw uk phoqani sasaw säna. Ukat uka Reinon jutañapatakiw mayisipjjañama sasaw jaqenakar yaticharakïna. ¿Kunatsa? Uka Reino toqew Diosajj aka Oraq mä suma paraisor tukuyani.

¿Uk yatiñajj janit wal kusisiyktam?... Ukampis Jehová Diosar istʼir jaqenakakiw uka suma paraison jakasipjjani. Istʼasir walja chacha warminakatwa Bibliajj parlistu. ¿Jupanakar uñtʼañ munasmati?... Khitinakäpjjänsa ukat kunanaksa jupanakat yateqassna ukwa aka folleton uñjaskañäni.

BIBLIAT LIYTʼAÑÄNI

^ tʼaqa 3 Aka yatichäwinsa ukat jutïr yatichäwinakansa (...) ukham kimsa puntonak uñjasajja, wawan arstʼañapatakiw mä rat suytʼäta.