Kunanakas utji uk yatiñataki

Jehová Diosan Testigonakapa

Select language Aymara

¿Tʼaqhesiñanakajj tukusjjpachäniti?

¿Tʼaqhesiñanakajj tukusjjpachäniti?

¿Kamsasmasa?

  • Jïsa.

  • Janiwa.

  • Inas tukuschini.

 ¿KUNSA BIBLIAJJ YATICHI?

“Diosajj taqe jachanakapwa nayranakapat picharani, janiw jiwañajj jukʼamp utj-jjaniti, janirakiw llakisiñasa, jachañasa ni usuyasiñasa jukʼamp utj-jjaniti.” (Apocalipsis 21:3, 4, Diosan Arunakapa.)

¿KUNJAMSA UK YATIÑAJJ YANAPTʼÄTAM?

Diosajj janiw tʼaqhesiykistuti sasaw taqe chuyma atinisïta (Santiago 1:13).

Kunjamsa tʼaqhesisktan ukjja Diosajj sum yati, uk yatisajj wali chuymachtʼataw jikjjatasïta (Zacarías 2:8).

Janiw tʼaqhesiñanakajj utj-jjaniti sasaw jutir urunak taqe chuyma suyäta (Salmo 37:9-11).

 ¿KUNTÏ BIBLIAJJ YATICHKI UKAJJ CHEQAW SISSNATI?

Jïsa, uk pä toqet uñjañäni:

  • Diosajj tʼaqhesiñsa ukat jan walinaksa uñisiwa. Markapajj tʼaqhesiyat uñjasïna ukhajja, ¿kunjamsa Jehová Diosajj jikjjatasïna? Markapan ‘tʼaqhesisa sarnaqayapjjatap’ uñjasajja, Diosajj wal chuyma ustʼayasïna sasaw Bibliajj qhanañchi (Jueces 2:18, Qullan Arunaka).

    Khitinakatï jaqe masipar tʼaqhesiyapki ukanakajj Jehová Diosatakejj janiw walïpkiti. Sañäni, ‘jan juchani jaqe jiwayirinakarusti’ Diosajj wal uñisi sasaw Bibliajj qhanañchi (Proverbios 6:16, 17).

  • Sapa maynitwa Jehová Diosajj llakisi. Taqe llakinakas Jupar katuyañasatakiw Jehová Diosajj chʼamañchtʼistu, kuna laykutejj ‘Jupajj jiwasat llakisiwa’ (1 Pedro 5:7).

    Apnaqäwip toqew Jehová Diosajj kunatï jaqenakar tʼaqhesiyki ukanak chhaqtayjjani (Mateo 6:9, 10). Ukäñkamajja, munasiñampiw Jupar taqe chuyma thaqherinakarojj chuymachtʼi (Hechos 17:27; 2 Corintios 1:3, 4).

 LUPʼIÑATAKI

¿Kunatsa Diosajj tʼaqhesiñanak jan chhaqtaykpacha?

Bibliankir aka textonakaw uk sum qhanañchi: ROMANOS 5:12 ukat 2 PEDRO 3:9.