Kunanakas utji uk yatiñataki

Jehová Diosan Testigonakapa

Select language Aymara

¿Khitis aka Oraqe apnaqaski?

¿Khitis aka Oraqe apnaqaski?

¿Aka Oraq apnaqerejj . . .

  • Diosäpachati?

  • jaqëpachati?

  • Supayäpachati?

 ¿KUNSA BIBLIAJJ YATICHI?

“Akapachajj Supayan amparapankiwa.” (1 Juan 5:19, Diosan Arunakapa.)

‘Diosan Yoqapajj Diablon luratanakap tʼunjañatakiw juti.’ (1 Juan 3:8.)

¿KUNJAMSA UK YATIÑAJJ YANAPTʼÄTAM?

Kunatsa aka Oraqen jan waltʼäwinakajj utji ukwa amuyäta (Apocalipsis 12:12).

Suma chuymampiw jutïr urunak suytʼäta (1 Juan 2:17).

 ¿KUNTÏ BIBLIAJJ YATICHKI UKAJJ CHEQAW SISSNATI?

Jïsa, uk kimsa toqet uñjañäni:

  • Supayan apnaqäwipajj tʼunjatäniwa. Jehová Diosaw Supayan apnaqäwip qʼal tukjañ amtawayi. Supayaruw tukjä sasaw Jupajj arsuwayi ukat kuna jan walinaktï Supayajj utjayawayki ukanaksa askicharakiniwa (Hebreos 2:14).

  • Jesucristow Diosan ajllit apnaqerejja. Supayajj jan sinttʼasiri ukat jupatakik taqe kuns muniri akapach apnaqeriwa, ukampis Jesusajj janiw ukhamäkiti. Jesusan apnaqäwipat parlkasajja, Diosajj akham siwa: “Jupaw jan kunan jaqenakat khuyaptʼayasini, aynachtʼat jaqerus yanaptʼani [...]. Jupaw tʼaqhesiñ taypit waysuni” sasa (Salmo 72:13, 14, Qullan Arunaka).

  • Diosajj janipuniw kʼariskaspati. Jïsa, ‘Diosajj janiw kʼariskaspati’ sasaw Bibliajj qhan yatichi (Hebreos 6:18). Ukhamajj kunapachatï Diosajj kuns arsu ukhajja, Jupajj phoqhapuniniw sasaw atinissna (Isaías 55:10, 11). Ukat ‘akapacha apnaqerejj jaqonukutäniwa’ sasaw Diosajj arsuwayaraki (Juan 12:31).

 LUPʼIÑATAKI

Supayan jan apnaqatäjjani ukhajja, ¿aka Oraqejj kunjamäjjanisa?

Bibliankir aka textonakaw uk sum qhanañchi: SALMO 37:10, 11 ukat APOCALIPSIS 21:3, 4.