Kunanakas utji uk yatiñataki

Skip to secondary menu

Jehová Diosan Testigonakapa

Aymara

¿Jiwatanakajj jaktanïpjjpachäniti?

¿Jiwatanakajj jaktanïpjjpachäniti?

¿Kamsasmasa?

  • Jïsa.

  • Janiwa.

  • Inas jaktanipjjchini.

 ¿KUNSA BIBLIAJJ YATICHI?

‘Jiwatanakajj jaktanipjjaniwa.’ (Hechos 24:15, Qullan Arunaka.)

¿KUNJAMSA UK YATIÑAJJ YANAPTʼÄTAM?

Familiamat maynejj jiwjjani ukhaw chuymachtʼat jikjjatasïta (2 Corintios 1:3, 4).

Janiw jiwañarojj ajjsarjjätati (Hebreos 2:15).

Jiwjjapjje uka familianakajarojj wasitatwa uñj-jjä sasaw taqe chuyma atinisïta (Juan 5:28, 29).

 ¿KUNTÏ BIBLIAJJ YATICHKI UKAJJ CHEQAW SISSNATI?

Jïsa, uk kimsa toqet uñjañäni:

  • Diosaw jakañ churirejja. ‘Jehová Diosaw taqe jiwasanakarojj jakañsa, samansa, taqe kunanaksa churchistu’ sasaw Bibliajj qhanañchi (Hechos 17:24, 25; Salmo 36:9). Niyakejjay Jupajj taqenir jakañ churañatakejj chʼamanïchejja, jiwatanakar jaktayañatakejj chʼamanirakiwa.

  • Diosajj mä qawqha jiwatanakaruw jaktayäna. Oraqen jakapjjañapatakejja, kimsaqallqo jaqenakaw jaktayatäpjjäna sasaw Bibliajj qhanañchi. Uka taypinjja, chachanaka, warminakaw utjjäna ukat kunayman maranïpjjarakïnwa. Yaqhepanakajj ukhakiw jiwapjjäna, ukampis mä chachajj pusi uruw jiwatäjjäna (Juan 11:39-44).

  • Diosajj jiwatanakar wal jaktayañ muni. Jiwañarojj Jehová Diosajj wal uñisi ukat mä enemigökaspas ukhamwa uñjaraki (1 Corintios 15:26). Diosajj jiwatanakar jaktayasaw jiwañar atipjani. Jiwatanakajj wasitat aka oraqen jakasipjjaspa ukwa Jupajj muni (Job 14:14, 15).

 LUPʼIÑATAKI

¿Kunatsa chuymankipstan ukat jiwaraktan?

Aka jiskʼa tʼaqanakaw uk sum qhanañchi: GÉNESIS 3:17-19 ukat ROMANOS 5:12.