Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 23 YATICHÄWI

¿Kunjamsa Bibliat apstʼat qellqatanakajj lurasi, ukat yaqha arunakar jaqokipasi?

¿Kunjamsa Bibliat apstʼat qellqatanakajj lurasi, ukat yaqha arunakar jaqokipasi?

Departamento de Redacción (Estados Unidos)

Corea del Sur

Armenia

Burundi

Sri Lanka

‘Taqe markanakaru, taqe casta jaqenakaru ukat kunayman parlasir jaqenakaru’ Diosan arunakapat yatiyañatakejja, Jehová Diosan Testigonakapajj 750 jila arunakaruw Bibliat apstʼat qellqatanak apsupjje (Apocalipsis 14:6). ¿Kunjamsa uk lurapjje? Walja markanakanwa qellqerinakapajj utji ukat mä qhawqha jilat kullakanakaw yaqha arunakar jaqokipapjjaraki. Jupanakajj Jehová Diosan Testigonakapäpjjewa.

Nayraqatjja, inglés arutwa qellqtʼasi. Oraqpachan Jilïr Irpirinakaw Comité de Redacción satäkis ukan irnaqtʼirinakarojj uñjapjje, jupanakajj Nueva York markankir Betelankapjjewa. Qellqerinakatjja, mä qhawqhanejj ukankapjjewa, yaqhepajj yaqha markankir Betel utanakankapjjarakiwa. Departamento de Redacción satäkis ukankir jilatanakaw kunjamsa qellqerinakajj irnaqtʼapjjani uk uñjapjje. Ukham yaqha markanakat qellqerinakanïñajj wali askipuniwa, ukhamatwa taqe markankir jaqenakan chuymapar purtʼañatakejj kunayman markanakat qellqasispa.

Yaqha arunakar jaqokipirinakaruw aptʼayasi. Kunapachatï mä qellqatajj tuktʼayatäjje ukat aptʼayasiñatak aprobatäjje ukhajja, computadoranak toqew oraqpachankir yaqha arur jaqokipirinakar aptʼayasi, jupanakaw arunakapar jaqokipapjje. Cheqpach suma arunak jikjjatañatakiw uka jilat kullakanakajj wal chʼamachasipjje, ukhamat kuntï inglés arut yatichaski uk arupan sum amuyasiñapataki (Eclesiastés 12:10).

Computadoranakampiw yanaptʼasipjje. Mä computadorajj janiw mä qellqer lanti, jan ukajj yaqha arur jaqokipir lanti irnaqtʼkaspati. Ukampis qellqatanak jankʼak lurasiñapatakiw yanaptʼaspa. Ukanwa jaqokipañatak yanapanaka, diccionarionaka ukat yaqhanakas utji. Jehová Diosan Testigonakapajja, Sistema Electrónico de Edición Plurilingüe (MEPS) programa uñstayapjje. Ukaw jaqokipañatak wal yanaptʼi, ukampiw kunayman arut qellqatanak mä computadorar apantasin dibujonakampi jaqthaptayapjje ukat imprimisiñapatak wakichjjapjjaraki.

Yaqhep arunakajja, mä qhawqha waranq jaqenakamp parlatakiwa, ukampis ¿kunatsa Jehová Diosan Testigonakapajj uka arunakampir jaqokipañatak wal chʼamachasipjje? Diosan munañapwa phoqhasipki, Jupajj “taqenin qhespiyatäñapwa muni, kunatejj cheqäki uk uñtʼapjjañaparaki” (1 Timoteo 2:3, 4).

  • ¿Kunjamsa Bibliat apstʼat qellqatanakajj lurasi?

  • ¿Kunatsa Jehová Diosan Testigonakapajj Bibliat apstʼat qellqatanak walja arunakar jaqokipapjje?