Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 8 JALJA

Jan walin uñjasisajj kunsa lurapjjasma

Jan walin uñjasisajj kunsa lurapjjasma

‘Jumanakajj wali kusisitaw sarnaqasipjjtajja, ukampis inas wakisirakchi mä jukʼa yantʼanakan tʼaqhesipjjañama.’ (1 Pedro 1:6)

Familian kusisit jakasiñataki walsa chʼamachasipkchïtajja, awisajj jan waltʼäwinakawa jan ukajj chhijinakaw aynachtʼayapjjeristam (Eclesiastés 9:11). Ukampis jan waltʼäwinakan jikjjatastan ukhaw Diosajj wali munasiñamp yanaptʼistu. Ukat jumanakatï Biblian ewjjtʼanakaparjam lurapjjäta ukhajja, jachʼa llakinakan uñjaskasasa janiw aynachtʼapkätati.

 1 JEHOVÁ DIOSARUW CONFIYASIPJJAÑAMA

BIBLIAJJ KAMSISA: “Taqe llakisiñanakamsti Diosar jaytapjjarakim, jupasti jumanakatjja llakisirakiwa” (1 Pedro 5:7). Diosajj janiw jan waltʼäwinakamat juchanïkiti (Santiago 1:13). Jupar jakʼachasipjjäta ukhajja, yanaptʼapjjätamwa (Isaías 41:10). Ukhamajj “chuymanakam jupar jistʼarapjjam” (Salmo 62:8).

Biblia sapür liyiña ukat yatjjatañaw chuymachtʼapjjarakïtam. Ukham lurasaw kunjamsa Jehová Diosajj ‘taqe tʼaqhesiñanakan chuymachistu’ uk amuyapjjäta (2 Corintios 1:3, 4; Romanos 15:4). ‘Diosajj churapjjätamwa samarañapa, ukasti taqe kuntejj jaqejj amuytʼkaspas ukat jukʼamp jachʼawa.’ (Filipenses 4:6, 7, 13.)

KUNSA LURASMA:

  • Jan sinti llakisiñataki ukat sum amuytʼasiñatakiw Jehová Diosar oracionan mayisiñama

  • Kun lurañas jukʼamp askïspa uk sum amuytʼasiñamawa

2 JANIW JUMATSA NI FAMILIAMATSA ARMASIÑAMÄKITI

BIBLIAJJ KAMSISA: ‘Yatiñan jaqenakampi, chʼikhi jaqenakampiw yatiñ kankaña jikjjatapjjaspa’ (Proverbios 18:15). Familianjja, kunanakansa sapa maynir yanaptʼañajj wakisi uk yatiñatakiw chʼamachasiñama. Familiamamp parltʼam ukat jupanakar istʼarakim (Proverbios 20:5).

Mä munat familiaramajj jiwaspa ukhajja, ¿kunsa lurasma? Kunjamsa jikjjatasta uk uñachtʼayañjja janiw ajjsarañamäkiti. Jan armasimti, ‘Jesusas jacharakïnwa’ (Juan 11:35; Eclesiastés 3:4). Sum samartʼañasa iktʼañasa yanaptʼarakïtamwa (Eclesiastés 4:6). Ukhamatwa jan waltʼäwinakar saykatäta.

KUNSA LURASMA:

  • Familiamampi sapa kut parltʼasiñatakiw chʼamachasiñama, ukhamatwa jan waltʼäwin uñjasisajj jan ajjsarasa jumamp parltʼasipjjani

  • Jan waltʼäwinakan uñjasiwayapki ukanakampiw parltʼasma

 3 YAQHANAKAMPIW YANAPTʼAYASIÑAMA

BIBLIAJJ KAMSISA: “Mä amigojj taqe horasan munasiripuniwa; llakisiñansti mä jiljamaw chuymachasi” (Proverbios 17:17). Amigonakamajj yanaptʼañ munapjjeristamwa, ukampis kunjamsa yanaptʼapjjeristam uk janiw yatipkaspati. Ukhamajj kunsa lurapjjaspa uk jan ajjsarasaw yatiyañama (Proverbios 12:25). Ukatjja, Bibliat yatjjattʼatäpki ukanakaruw kunjamsa Biblian ewjjtʼanakapajj yanaptʼiristam uk jisktʼañama. Jupanakan yanaptʼapampejj janiw aynachtʼkätati (Santiago 5:14).

Jehová Diosaru ukat arupar confiyasipki uka jilat kullakanakamp sarnaqäta ukhajja, jupanakaw jan walin uñjasïta ukhajj yanaptʼapjjätam. Ukat yaqhanakar yanaptʼañaw sum jikjjatasiñatakejj yanaptʼarakïtam. Qawqsa Jehová Diosar confiyasta ukat kunsa Jupajj arsuwayi ukwa jupanakar yatiyasma. Mayninakar yanaptʼañamapuniwa, ukaw llakimat armasiñamatak yanaptʼätam. Ukatjja, jumat llakisipki ukat wal munasipktam ukanakat janipuniw jitheqtañamäkiti (Proverbios 18:1; 1 Corintios 15:58).

KUNSA LURASMA:

  • Mä munat amigomampiw parltʼasma ukat jupampiw yanaptʼayasirakisma

  • Kunjamsa yanaptʼiristam uk qhanwa amigomar yatiyañama