Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

Chʼeqa: Mä jilataruw Eindhoven sat markan yatiyatapat carcelar apañatak katuntasipki (Países Bajos, 1945 marana); kupi: Kawkhantï jakaskta ukanjja, ¿Diosan arunakap yatiyañajj jarkʼatati?

 4 JALJA

Diosan Reinopan atipjäwinakapa: Markanakan leyinakaparjam phoqasaw suma yatiyäwinakajj yatiyasi

Diosan Reinopan atipjäwinakapa: Markanakan leyinakaparjam phoqasaw suma yatiyäwinakajj yatiyasi

 UTAT uta yatiykasin polician autopas warartʼasis jakʼachasisinkaspa ukham amuytʼañäni. Yatiyir masimampiw mä chachar parlañ qalltapjjtajja, ukhamaruw polician autopajj jumanak nayraqatar saytʼi ukat autot mistunisajj akham sasaw policiajj jisktʼapjjtamjja: “¿Jumanakat utat uta Bibliat yatiyasipkayäta? ¡Waljaniw jumanakat quejasipjje!” sasa. Jumasa ukat yatiyir masimasa, wali respetompiw ‘Jehová Diosan Qhanañchirinakapäpjjtwa’ sasin sapjjtajja. ¿Kunas jichhajj paspachäni?

Markamanjja, ¿kunjamsa marka apnaqerinakajj Jehová Diosan Qhanañchirinakapar uñjapjjäna? ¿Diosar yupaychañan jarkʼatäpjjtati? Jilat kullakanakan walja maranak wal chʼamachasipjjatap laykuw yaqhep markanakan Diosar yupaychañajj jan jarkʼatäkiti, jupanakajj ‘autoridadanak nayraqatanwa arsuwayapjje ukat qhespiyasiñ arunaksa arjjatawayapjjarakiwa’ (Fili. 1:7). Cheqansa, Jehová Diosan Qhanañchirinakapajj kunjamsa tribunalanakan atipjawayapjje uk yatjjatañaw Diosar jukʼamp confiyañatakejj yanaptʼistani. Uka toqetwa aka jaljan mä qawqhanak uñjaskañäni. Tribunalanakan juicionak atipjawayktan ukanakajja, Diosan Reinopan apnaqjjatapwa uñachtʼayistu, janiw chʼamasampikejj ukanak atipjkasänti.

AKANJJA AKANAKAW UTJI

13 YATICHÄWI

Diosan Reinopat yatiyirinakajj tribunalanakaruw sarapjje

Jichhürunakanjja, Ley yatichiri Gamaliel sat chachjamaw yaqhep juezanakajj Diosan markapar arjjatapjje.

14 YATICHÄWI

Diosan gobiernoparukiw yanaptʼapjje

Politicar jan mitisipjjatapatwa Jehová Diosan Qhanañchirinakapajj wali arknaqat uñjasiwayapjje, ukampis mä qawqha autoridadanakaw jupanakar arjjatawayapjje.

15 YATICHÄWI

Diosar libre yupaychañatakiw chʼamachasipjje

Diosan Reinopan utjki uka leyinakarjam sarnaqañatakiw Diosan servirinakapajj chʼamachasiwayapjje.