Kunanakas utji uk yatiñataki

Jehová Diosan Testigonakapa

Select language Aymara

¿Kunas Diosan Reinopajja?

¿Kunas Diosan Reinopajja?

¿Diosan Reinopajj . . .

  • alajjpachan kusisit jakasiñäpachati?

  • alajjpachankir mä gobiernöpachati?

  • kunaw sasmacha?

 ¿KUNSA BIBLIAJJ YATICHI?

“Alajjpachankiri Diosajj mä yaqha reino saytʼayarakini, uka reinosti janipuniw tukjatäkaniti.” (Daniel 2:44, Qullan Arunaka.)

“Diosaw mä yoqall wawa churistani, uka wawaw jichhajj apnaqarakini.” (Isaías 9:6.)

¿KUNJAMSA UK YATIÑAJJ YANAPTʼÄTAM?

  • Cheqapar apnaqer uka gobiernojj sapa mayniruw yanaptʼistani (Isaías 48:17, 18).

  • Jan usuntasa, kusisit jakasiñatakiw yanaptʼarakistani (Apocalipsis 21:3, 4).

 ¿KUNTÏ BIBLIAJJ YATICHKI UKAJJ CHEQAW SISSNATI?

Jïsa, uk pä toqet uñjañäni:

  • Diosan Reinopajj kunanaksa lurani ukwa Jesusajj uñachtʼayäna. ‘Reinomajj’ jutpan ukat munañamas aka Oraqen luraspan sasin Diosar mayipjjañapatakiw Jesusajj arkirinakapar yatichäna (Mateo 6:9, 10, Diosan Arunakapa). Ukat kunjamsa uka arunakajj phoqasini uksa qhanañcharakïnwa.

    Aka Oraqenkkäna ukhajja, Jesusajj manqʼat awtjatanakaruw manqʼayäna, usutanakarus qollänwa ukat jiwatanakarus jaktayarakïnwa (Mateo 15:29-38; Juan 11:38-44). Diosan Reinopan Reyipjamajja, kunanaksa jutïrin lurani ukwa Jesusajj uñachtʼayäna (Apocalipsis 11:15).

  • Kunanakatï jichhürunakan pasaski ukanakaw Diosan Reinopajj niya apnaqañampïskatap uñachtʼayi. Diosan Reinopaw aka Oraqen sum jakasiñ utjayani, ukampis jachʼa chʼajjwäwinaka, oraq khatatinaka ukat manqʼat pistʼañaw aka Oraqen nayraqat utjani sasaw Jesusajj säna (Mateo 24:3, 7).

    Uka arunakajj jichhürunakanwa phoqasiski. Ukhamajj niyaw Diosan Reinopajj uka jan waltʼäwinak chhaqtayjjani.

 LUPʼIÑATAKI

Diosan Reinopajj apnaqkani ukhajja, ¿kunjamsa jakasiñäni?

Bibliankir aka textonakaw uk sum qhanañchi: SALMO 37:29 ukat ISAÍAS 65:21-23.