Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

JUK’AMPI YATXATAÑATAKI

Daniel profetaxa Mesiasan jutañapat qillqatayna

Daniel profetaxa Mesiasan jutañapat qillqatayna

Daniel profetax 500 maranak janïr Jesusax yurkäna ukapachaw jakasïna. Ukampis kunjamatsa yatisispa kunapachas utt’ayasiñapäna Mesiasjama jan ukax Cristjam Jesusaruxa, ukwa Jehová Diosax qhanañchatayna. Daniel profetarux akham sänwa: “Jichhax akwa yatiñama, amuyt’añamaraki: Kunapachattix Jerusalén markax wasitata uñstayañataki sayt’ayañataki arsutäni, [Jehová] Tatitur luqtatäki uka jach’a jilïrin [jan ukax Mesiasan] puriniñapkama, paqallqu semananakaw pasaskañapa, suxta tunka payani semananaka[mpiraki]” (Daniel 9:25).

Uñjañäni, kunjamats yatsna Mesiasan uñstäwipatxa. Nayraqatxa Mesiasan puriniñapatakixa kunapachats uka semananakax jakhusiñ qalltasiñapäna uk yatiñasawa. Profeciaxa, “Jerusalén markax wasitata uñstayañataki sayt’ayañataki arsutäni” ukhaw qalltän siwa. ¿Ukax kunapachas arsusïna? Jerusalén wasitata uñstayañataki sayt’ayañataki aruxa, Artajerjes reyix ‘pä tunka maranak markar apnaqkäna’ ukhaw arsusïna sarakiw Nehemiasaxa (Nehemías 2:1, 5-8). Nayra sarnaqäwit qillqirinakaxa, 475 nayrïr pachaw (n.p.) Artajerjesax apnaqañ qalltän sapxarakiwa. Ukhamax Artajerjes reyin pä tunka maranak markar apnaqatapasti 455 n.p. mararuw wakt’i. Ukhamaxa, Mesías tuqit qillqatanakaxa 455 n.p. maratwa phuqasiñ qalltäna.

Uka marata Mesiasan puriniñapkamaxa qhawqha marasa pasañapäna ukwa Daniel profetax yatiyäna. Uka profeciax siwa, “paqallqu semananakaw pasaskañapa, suxta tunka payani semananaka[mpirakiwa]” sasa, ukhamasti 69 semananakänwa. ¿Ukax qhawqha tiempüñapänsa? Janiw 7 urunakani semananakäkanti jan ukasti sapa semanax 7 maranakanïnwa, ukhamwa yaqha Biblianakaxa saraki. Ukxa nayra judionakaxa sum yatipxäna. Amuyañataki, sapa paqallq maratwa jupanakax mä mara samarapxiritayna (Éxodo 23:10, 11). Ukhamaxa, 69 semananak tuqit parlir profeciaxa, 7 maranakani 69 semananak sañ muni, ukhamasti taqpachaxa 483 maranakawa.

Jichhax jakhsuñäni. 455 n.p. maratxa 483 maranak jakhuqañasawa, ukhamax 29 jichha pach (j.p.) mararuw purtanxa, ukhaw Jesusax bautisasïna, ukhamatwa Mesiasar tuküna (Lucas 3:1, 2, 21, 22).* ¿Aka profeciax sumxay phuqasixa?


*  Nayrïr pachat parlasinxa, 455 marat 1 marakamaxa, 454 maranakaw utji. Ukatxa, 1 n.p. marata, 1 j.p. marakamax mä marakiw utji. Ukatsti 1 j.p. marat 29 j.p. marakamaxa, 28 maranakarakiwa. Ukhamasti taqpachax 483 maranakawa. Jesusarux 33 j.p. maranwa ‘jiwayapxäna’, ukax profecianxa 70 semanänwa (Daniel 9:24, 26). Juk’amp yatiñatakixa, uñxatasmaw español aruta akïr qillqatanaka: Prestemos atención a las profecías de Daniel, 11 jaljapa, Perspicacia para comprender las Escrituras, vol. 2, 1014-1017 janakama. Aka libronakax Jehová Diosan Qhanañchirinakapankiwa.

“PAQALLQ TUNKA SEMANANAKA”
490 maranaka
7 semananaka
(49 maranaka)
62 semananaka
(434 maranaka)

←n.p. | j.p.→

1 semana
(7 maranaka)
455

“Jerusalén markax wasitata […] sayt’ayañataki” arsüwi

Jerusalén markax t’unjatawa
406

Wasitat sayt’ayat Jerusalena

Jerusalén markax wasitat sayt’ayatawa
29

Mesiasan uñstäwipa

Jesusaw bautisatäski
33

Mesiasaruw ‘jiwayapxäna’

Jesusan jiwäwipa
36

‘Paqallq tunka semanan’ tukusïwipa

Roma markankir mä soldado

← Juk’ampi yatxatañataki