Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

58 sarnaqäwi: Davitampi Goliatampi

58 sarnaqäwi: Davitampi Goliatampi

WASITAT filisteonakax israelitanakamp nuwasir jutapxäna. Davitan kimsa jilanakapax Saulan soldadonakapänwa. Ukatwa tatapax Davitar akham säna: ‘Aka jamp’impi t’ant’ampi jilanakamatak aparapma. Kunjamäsipkisa uk uñjanim’ sasa.

Goliat

Soldadonakax samarapxäna ukar purisaxa, nuwasiñatak wakichasisipkän uka taypin jilanakapar Davitax thaqtäna. Ukatxa Goliat sat filisteo jach’a jaqiw israelitanakar arch’ukjañatak mistunïna. 40 uruw ukhama, sapa alwa, sapa aruma, qallasïna siwa. Akham sasa: ‘Jumanakax maynir ajllisipxam nayampi nuwasiñapataki. Jiwayitanixa, nanakax jumanakan esclavonakamaw tukupxä, ukampis nayatï jiwayäxa, jumanakaw esclavonakajat tukupxarakïta. ¿Khitis nayampi nuwasispa?’ sasa.

Davitax yaqhip soldadonakar akham jiskt’äna: ‘¿Aka filisteoru jiwayirirusa, israelitanakat aka jisk’achäwi apaqirirusa kuns Saulax churani?’ sasa.

Ukat mä soldadoxa, ‘Saulax qamiriptayaniwa, phuchapwa warmitak churarakini’ sänwa.

Ukampis israelitanakax wali jach’a jaqïpan wal Goliatar axsarapxäna. Niya 3 metronïnwa, ukat jark’aqasiñatak escudo apnaqiripasa yaqhänwa.

Yaqhip soldadonakax Saular akham yatiyapxäna, Davitaw Goliatamp nuwasir sarañ muni sasa. Ukampis Saulax ‘janiw sarkasmati, wawäsktawa, jupax nayratpach soldadopunïnwa’ sänwa Davitaruxa. Ukat Davitax sarakïnwa: ‘Nayax awkijan uwijap apasir osorusa leonarus jiwayirïtwa. Aka filisteor jiwayarakikïwa. Jehová Diosaw yanapitani’ sasa. Ukat Saulax ‘sarmaya, Diosaw jumampïskani’ sänxa.

Davitax jawirat phisqa qala wayaqapar irantasïna. Ukat uka jach’a jaqimpi nuwasiriw saräna. Goliatax Davitar uñjasax wal larusïna. Davitar jiwayañax janiw ch’amäkanit sasaw säna.

Davitax mä qalampiw q’urawt’aski

‘Makatita, jamach’inakaru animalanakaru janchim manq’arayä’ sasaw Goliat chachax säna. Ukampis Davitax sänwa: ‘Jumasti espadampi, lanzampi, flechampiw nayamp nuwasir juttaxa, ukampis nayax jumampi nuwasirix Jehová Diosan sutipampiw jutta. Jichhüruw Jehová Diosax jumar amparajaru churitani, nayaw jiwayäma’ sasa.

Davitax Goliat uñkatataw t’ijüna. Wayaqapat mä qal irsusax q’urawaparuw uskuntäna, ukat taqi ch’amapampiw q’urawt’äna. ¡Parat wakt’ayäna, ukhamwa Goliatar jiwayäna! Filisteonakax suma nuwasir jaqipan jiwatap uñjasax t’ijtxapxänwa. Israelitanakax arktasin jiwarayapxäna.

1 Samuel 17:1-54.



Jiskt’äwinaka

  • ¿Goliatax kamsasas israelit soldadonakar qallasïnxa?
  • ¿Qhawqch’änsa Goliataxa, ukat Goliataru jiwayirirux kun churäx sänsa Saulaxa?
  • Janiwa Goliatampi nuwaskasmati, wawäsktawa sataxa, ¿kamsänsa Davitax Saularuxa?
  • Goliatampi nuwasir sarasaxa, ¿kunjamsa Davitaxa Jehová Diosaru atinisitapxa uñacht’ayäna?
  • Dibujo uñxatasaxa, ¿kunampisa Davitax Goliataru jiwayänxa, ukat kunjamansa Filisteankirinakax uñjasipxäna?

Yaqha jiskt’äwinakampi

  • Liyt’añamawa 1 Samuel 17:1-54.

    ¿Kunatsa Davitaxa ukham atipänxa, ukat jiwasax kamacharaksnasa? (1 Sam. 17:37, 45; Efe. 6:10, 11.)

    Goliatax qallasir atipjirjam tukurïnwa, ¿kunatsa cristianonakax anatäwinakansa jan ukax kawkinsa jan ukhamapxañapäki? (1 Sam. 17:8; Gál. 5:26; 1 Tim. 4:8.)

    Diosaruw Davitax atinisïna, ¿uka kunjamsa Davitan arunakapaxa uñacht’ayistu? (1 Sam. 17:45-47; 2 Cró. 20:15.)

    Janiwa marka puraki nuwaskänti, jan ukasti Jehová Diosampi yaqha diosanakampiwa nuwasiskäna, ¿kunjamsa aka arunakax uk uñacht’ayistu? (1 Sam. 17:43, 46, 47.)

    ¿Alaxpachar saririnakat jilt’aski uka cristianonakax kunjamsa Jehová Diosar atinisitanakapxa Davitjam uñacht’ayapxaraki? (1 Sam. 17:37; Jer. 1:17-19; Apo. 12:17.)