Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

2 sarnaqäwi: Mä suma huerta

2 sarnaqäwi: Mä suma huerta

¡UÑTAM aka suma Uraqi! ¡Taqi kunas wali sumarakisä! Uñtam quqanaka quranaka panqaranaka taqi kasta animalanaka. ¿Uwijasa leonasa kawkjankis uk uñjtati?

Animalanakaxa Edén huertankasipkiwa

¿Kunjamatsa aka suma huertax utjpacha? Kunjamsa Diosax jiwasatak aka Uraqi wakichatayna uk jichhax uñjañäni.

Diosax quranaka ch’ijinaka nayraqat luratayna waña uraqir alintañapataki. Ukat taqi kasta alinaka ayrunaka quqanaka lurarakitayna. Ukanakaw jilantasin aka Uraqxa sumaptayi. Ukatxa, yaqhipanakax suma muxsa achunakwa achurapistu.

Diosaxa chawllanak luratayna uman jakasipxañapataki, ukat jamach’inak alayan jalnaqasipxañapatakiw jan ukax tuynaqasipxañapatakiw luratayna. Anunaka, phisinaka, caballonaka, jach’an jisk’an kunayman animalanak luratayna. ¿Utam jak’an animalanakax utjiti? ¡Wali suma Diosapuniwa, ukham jiwasatak taqi kun luririxa!

Ukatxa, aka Uraqinxa mä chiq wali sum luräna. Edén huerta satänwa. Askipunïnwa. Ukanxa taqi kunas wali sumänwa. Aka Uraqpach akham suma huertar tukuñapwa Diosax munäna.

Wasitampi aka dibujo uñxatma. ¿Kunampiw utjañap sispachänsa Diosax uk yattati? Uk uñjañäni.

Génesis 1:11-25; 2:8, 9.



Jiskt’äwinaka

  • ¿Kunjamsa jiwasanakataki Diosax aka Uraqi wakichäna?
  • Diosax walja animalanakwa luratayna. ¿Aka animalanakana sutip sasmati? (Dibujo uñxatäta.)
  • ¿Kunatsa Edén huertxa wali sum Diosax luräna?
  • ¿Aka Uraqix kunjamäñapsa Diosax munäna?

Yaqha jiskt’äwinakampi

  • Liyt’añamawa Génesis 1:11-25.

    ¿Kimsïr urunxa kunas lurasïna? (Gén. 1:12.)

    ¿Pusïr urunxa kunas lurasïna? (Gén. 1:16.)

    ¿Phisqïr urunsa suxtïr urunsa kuna animalanakarus Diosax luratayna? (Gén. 1:20, 21, 25.)

  • Liyt’añamawa Génesis 2:8, 9.

    ¿Kuna pä quqanaksa Diosax luratayna Edén huertanxa, ukanakax kun sañsa munäna?