Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 CRISTIANJAM JAKAÑATAKI

“Taqe ukanakjja lupʼisipkakim”

“Taqe ukanakjja lupʼisipkakim”

¿Kunanaksa? Filipenses 4:8 textonjja, taqe kunatejj cheqäki, wakiskirïki, taqe kunatejj cheqapäki, qʼomäki, munkañäki, taqe kunatejj respetomp uñjatäki, sumäki, jachʼañchkañäki, taqe ukanak lupʼisipkakim siwa. Ukampejja cristianonakajj Bibliatakpun sapürus lupʼipjjañapa sasajj janiw sañ munkiti. Kunanakatï Jehová Diosar kusisiykaspa ukanakatwa lupʼiñasa, janiw kunanakatï Jupat jitheqtaykistaspa ukanakat lupʼiñasäkiti (Sl 19:14).

Cheqas jan wali lupʼiñanak jaytañajj chʼamakiwa. Pantjasiri jaqëtasaru, ‘akapachan diosaparu’ mä arunjja Supayar atipjañatak chʼamachasiñasawa (2Co 4:4). Supayajj televisión, radio, periódico, Internet ukat yaqha ukhamanak munañaparjamaw apnaqe, ukanakanjja Jehová Diosan leyinakap contra yatichäwinakakiw utj-jje. Kunampis pʼeqesar phoqantañäni uk jan sum ajllkañäni ukhajja, tiempompejj ukarjamaw lupʼjjañäni lurjjarakiñäni (Snt 1:14, 15).

¿KUNANAKAS JEHOVÁ DIOSAT JITHEQTAYISTASPA? JAN WALI KUSISTʼAÑANAKA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

  • ¿Kunsa mä jilatajj telefonopan uñchʼukirïna, ukat kunjamsa ukajj jan waltʼayäna?

  • ¿Kunjamsa Gálatas 6:7, 8 textosa Salmo 119:37 qellqatas yanaptʼäna?