Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 CRISTIANJAM JAKAÑATAKI

Jukʼamp sum yatiyañataki: Diosan arunakap yatiyañatakejj jaqenakamp parltʼañatak chʼamachasiñäni

Jukʼamp sum yatiyañataki: Diosan arunakap yatiyañatakejj jaqenakamp parltʼañatak chʼamachasiñäni

Jesusajj samaritana warmimpiw parltʼäna, ukhamatwa Diosat yatiyarakïna. ¿Jan uñtʼat jaqenakamp parltʼañatakejj kunas jiwasar yanaptʼistaspa?

  • Munasiñampiw jaqenakamp parltʼañama. Qaritäkchïnsa Jesusajj yatiyaskakïnwa. ¿Kunjamsa uk luräna? “Umay wajjtʼita” sasaw parlañ qalltäna. Jumajj jaqenakar munasiñamp arunttʼasaw parlañ qalltasma, inas uka urojj kunjamakisa, jan ukajj kuna noticianakas utji ukanakat parlas qalltchisma. Jaqenakamp parlañ qalltañatakiw chʼamachasiñama. Jan parlañ munapkchinejja, janiw llakisiñamäkiti, yaqha jaqempiw parltʼarakisma. Jan ajjsaras parltʼañatakejja, Jehová Diosaruw yanaptʼa mayisiñama (Ne 2:4; Hch 4:29).

  • Diosat taqe cheqan parlañatak chʼamachasipunim, ukampis janiw qalltatpach Bibliat parlañamäkiti. Munkir jan munkir parlaysna ukhajja, jaqenakajj mayjtʼasisin janiw parlañ munjjapjjaspati. Diosat janïr yatiykasin parlañ tukuyjjapjjsta ukhajja, jan llakisimti. Diosat yatiyañajj jumatak chʼamakïchi ukhajja, janiw Diosat yatiyañ amtampipun parlañ qalltañamäkiti. [Nayrïr video uñtayasajj tantachasirinakaruw jisktʼäta].

  • Jaqenakamp parltʼasajj Diosat parlañatak chʼamachasim. ¿Kunjamsa uk lurasma? Kunarutï creykta ukwa taqe chuym yatiyasma, ukhamatwa jaqenakajj jukʼamp yatiñatak jisktʼapjjeristam. Jesusajj ukham lurasaw Diosan Reinopat yatiyäna, samaritana warmin jisktʼaparjamakiw jupajj qhanañchäna. [Payïr video uñtayasajj tantachasirinakaruw jisktʼäta. Kimsïr videompejj uka pachpwa lurarakïta].