Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 BIBLIAN SUMA YATICHÄWINAKAPA | SALMOS 1-10

Jehová Diosampi sumankañatakejj Yoqaparuw jachʼañchañasa

Jehová Diosampi sumankañatakejj Yoqaparuw jachʼañchañasa

Jaqenakajj kunjamsa Jehová Diosarusa Yoqaparusa kutkatasipjjani ukajj qellqatäjjänwa

2:1-3

  • Markanakajj janiw Jesusar mä apnaqerirjam uñjapkaniti, jupanakakis apnaqañatak wakichtʼatäpkaspa ukhamwa amuyasipjjani sasaw profecianakajj qellqasïna.

  • Jesusajj aka Oraqenkäna ukhaw uka profeciajj phoqasïna, ukampis jichhürunakan ukajj jukʼamp qhanaw phoqasiski.

  • Salmo qellqerejja, markanakajj inamaya chʼusa arunak parlapjjani sasaw arsüna. Uka arunakapajj inamayakïtapa ukat jan kunapachas phoqasirïtapwa amuytʼayistu.

Jehová Diosan ajllitapar jachʼañchapki ukanakakiw wiñay jakapjjani

2:8-12

  • Jehová Diosan Reinopan apnaqkani uka Reyir kutkatasipki ukanakajj tʼunjatäpjjaniwa.

  • Jesusar jachʼañchapki ukanakajja, jarkʼaqataw uñjasipjjani ukat sumankañan jakasipjjani.