Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 CRISTIANJAM JAKAÑATAKI

Yateqasiñatak carta

Yateqasiñatak carta
  • Kawkjantï jakasktan uka direccionwa qellqtʼañasa. Uk qellqañatï jiwasatak jan waljamäkchi ukhajja, inas Tantachasiñ Utan direccionap qellqañatak jilïr irpirinakar permiso maysna. Ukampis JANIPUNIW sucursalan direccionapampi uchañasäkiti.

  • Utanin sutip yatstan ukhajja, sutipwa qellqtʼañasa. Ukhamatwa utanejj jupar qellqatas yatini.

  • Cartjja, kunjamtï qellqasiñapäki, puntonakasa, comanakas kawkjankañapasa ukarjamaw qellqtʼañasa. Qʼoma ukat suma qellqtʼatäñaparakiwa. Amparamp qellqañäni ukhajja, qhana amuykañwa qellqtʼañasa. Cartajj respetompi qellqtʼatäñapawa, janiw jan respetasir jaqëksnas ukham arunakamp qellqatäñapäkiti.

Yateqasiñatak aka cartanwa uka ewjjtʼanak jikjjatsna. Territoriosankir jaqenakarutï carta qellqañ munañäni ukhajja, janiw aka cartajj kunjam qellqatäkitï ukhampun qellqañasäkiti. Jan ukasti, jaqenakajj kunjamsa jakasipjje, kuna costumbrenïpjjesa ukwa amuytʼañasa. Ukatjja, kunsa uka cartampejj jikjjatañ muntan ukarjamaw qellqtʼañasaraki.