Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 BIBLIAN SUMA YATICHÄWINAKAPA | SALMOS 34-37

Jehová Diosar confiyasim ukat kunatï askïki uk lurarakim

Jehová Diosar confiyasim ukat kunatï askïki uk lurarakim

‘Janirak ñanqha luririnakarus envidiasimti’

37:1, 2

  • Jaqenakan mä jukʼa tiempotaki nayrar sartatapajja, janiw Diosar serviñan aynachtʼañapäkiti. Kuna bendicionanaktï katoqkta ukat kunjamsa Diosar jukʼamp loqtasma ukanakatwa lupʼiñama.

“[Jehová] Tatiturojj taqe chuymamp alkatam, ask lurarakim”

37:3

  • Payachasïta jan ukajj aynachtʼat uñjasïta ukhajj Jehová Diosaw yanaptʼitani sasaw confiyañama. Jupat jan jitheqtañatakis yanaptʼarakïtamwa.

  • Jan tiemponiw Diosan Reinopat yatiyañama.

“[Jehová] Tatiturojj suma chuymamp munasim”

37:4

  • Biblia liyiñatakiw tiempo apstʼasiñama ukat Jehová Diosar jukʼamp uñtʼañatakiw lupʼiñamaraki.

“Amparapar sarnaqäwim katuyasim”

37:5, 6

  • Diosaw jan waltʼäwinakar saykatañataki yanaptʼitani sasaw confiyañama.

  • Uñisita, arknaqata jan ukajj kʼarintata uñjasïta ukhajja, kunatï askïki ukwa luraskakiñama.

“Tatitun nayraqatapan amuktʼam; jupan yanapap llampʼu chuymamp suyam”

37:7-9

  • Janiw jankʼaki kuns lurañamäkiti. Ukham lurasajj janiw kusisitäjjasmati, Diosampis janiw sum apasjjasmati.

“Llampʼu chuymaninakasti oraq katoqapjjani”

37:10, 11

  • Llampʼu chuymanïñatakiw chʼamachasiñama, Jehová Diosaw uka jan waltʼäw chhaqtayjjani sasaw altʼat chuymampi suytʼañama.

  • Jilat kullakanakaruw yanaptʼañama, Diosajj kuntï jutïrin lurkani ukanakampiw llakitanakar chʼuymachtʼañama.

Diosan Reinopajj walja bendicionanakwa apanini