Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 CRISTIANJAM JAKAÑATAKI

¿Kunjamsa Jesusan jiwatap amtañatak wakichassna?

¿Kunjamsa Jesusan jiwatap amtañatak wakichassna?

Jichha marat uksarojja, Jesusan jiwatap amtañataki wakichtʼasiñatakejj jukʼamp tiempow utjistani. Uka tantachäwitï lunesat vierneskam waktʼani ukhajja, Cristianjam Jakañataki ukat Yatiyañataki tantachäwejj janiw apaskaniti. Sabador jan ukajj domingor waktʼani ukhajja, taqenitak arstʼäwisa, Yatiyañataki sat revistat yatjjatañatak tantachäwis janiw apaskaniti. Ukhamajj ¿kunsa uka tiempompejj lursna? Kunjamtï nayrïr patak maranakan Pascua amtañatak wakichasipjjerïkänjja, ukhamarakiw jichhürunakan Jesusan jiwatap amtañatak wakichasiñasa (Lu 22:7-13; km 3/15 pág. 1). ¿Kunjamsa chuymas wakichapjjsna?

  • Jesusan jiwatap amtañatak tantachäwir sarañajj kunja wakiskirisa uka toqet lupʼisa (1Co 11:23-26).

  • Jehová Diosar mayisisa, kunjamsa Jupampejj apasisktan ukat lupʼisa (1Co 11:27-29; 2Co 13:5).

  • Jesusan jiwatapat parlir qellqatanak liytʼasa, kuntï liytʼktan ukanakat lupʼisa (Jn 3:16; 15:13).

Yaqhep jilat kullakanakajja, Diosan Arupat sapür yatjjatañataki sat folleton Jesusan jiwatap amtañataki uñstki uka wakichäwirjamaw Biblia liytʼapjje, ukat lupʼipjjaraki. Yaqhepanakajj aka aynachan uñstki uka tablarjamaw liytʼapjje. Yaqhep jilat kullakanakajja, Yatiyañataki sat revistan Jesusan jiwatapata, qhawqsa Jehová Diosasa Jesusas munasistu ukanakat parlir yatichäwinakwa liytʼapjjaraki. Ukanakat kawkïrsa yatjjatkchiñänejja, Jehová Diosaru ukat Jesusar jukʼamp jakʼachasiñatakiw yanaptʼistani.