Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 CRISTIANJAM JAKAÑATAKI

Jehová Diosan yatichäwinakap katoqañatak chʼamachasipjjañäni

Jehová Diosan yatichäwinakap katoqañatak chʼamachasipjjañäni

KUNATSA UK LURAÑAJJ WAKISI. Diosat katoqktan uka yatichäwiw taqe yatichäwinakat sipansa jilanki. Diosajj Jachʼa Yatichirjamajja, kunjamsa sum jakassna ukwa yatichistu, kunjamsa jutïrin jakasiñäni ukatakis wakichtʼarakistuwa, ukanakat janiw kuns maykistuti (Isa 11:6-9; 30:20, 21; Ap 22:17). Diosajj markapan utjki uka yatichäwinak toqew arunakap jaqenakar sum yatichañasatak wakichtʼistu, ukhamat salvasipjjañapataki (2Co 3:5).

KUNJAMSA UK LURSNA

  • Humilde chuymanïñataki, suma jaqëñatak chʼamachasisa (Sl 25:8, 9).

  • Diosajj markap toqe churkistu uka yatichäwinak katoqasa. Ukanakat mayajj Cristianjam Jakañataki ukat Yatiyañataki sat tantachäwin mä asignación katoqktan ukawa.

  • Jehová Diosar jukʼamp serviñ amtasa (Flp 3:13).

  • Diosajj markap toqe wakichtʼkistu uk katoqañatak chʼamachasisa (Flp 3:8).

JEHOVÁ DIOSAN YATICHÄWINAKAPAW WAL CHʼAMAÑCHISTU SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

  • Diosan Reinopat Yatiyirinakataki Escuelaru sarañatakejj ¿kunanakarus jilat kullakanakajj atipjapjjäna?

  • Diosan Reinopat Yatiyirinakataki Escuelanjja, ¿kunanaksa yateqapjje?

  • ¿Kunjamsa jupanakarojj asignacionapan yatinoqtañapatak yanaptʼapjjäna?

  • Diosan Reinopat Yatiyirinakataki Escuelankañatakejj ¿kunanakas mayisi? (kr pág. 213).

  • ¿Diosan markapan utjki uka escuelanakat kawkïrir sarañatakis chʼamachasisma?

Diosan markapan utjir yatichäwinakat yateqañatak chʼamachasisajj ¿kuna bendicionanaksa katoqäta?