Kunanakas utji uk yatiñataki

Skip to table of contents

Jehová Diosan Testigonakapa

Select language Aymara

 CRISTIANJAM JAKAÑATAKI

Wali munasiñamp katoqtʼapjjañäni

Wali munasiñamp katoqtʼapjjañäni

¿Khitinakarus ukham katoqtʼañasa? Tantachäwinakar jutapki taqe ukanakaruw ukham katoqtʼañasa, machaqanakarusa jaya tiempo jutjjapjje ukanakarusa (Ro 15:7; Heb 13:2). Inas mä jilatasa jan ukajj mä kullakas yaqha markat visittʼir jutchispa, jan ukajj congregacionat walja maranak jitheqtatäpki ukanakaw tantachäwinakar wasitat jutjjapjjaspa. Jumatï ukhaman uñjasisma ukhajja, ¿kunjamakis jikjjatasisma? ¿Janit wali munasiñamp katoqatäñ munkasma? (Mt 7:12). Ukatwa janïr tantachäwinak qalltkipana jan ukajj tukuyarus taqenir arunttʼañatak chʼamachasiñasa. Ukhamatwa congregacionan sum apasiña ukat munasiñ utjañapatak yanaptʼañäni (Mt 5:16). Cheqas janiw taqenimpipun parltʼañjamäkiti, ukampis sapa maynitï chʼamachasiñäni ukhajja, taqe jutirinakaw sum jikjjatasipjjani. *

Taqe horasanwa jaqe masisar munasiñamp uñjañasa, janiw Jesusan jiwatap amtañataki tantachastan ukhakejj sum uñjañasäkiti. Kunapachatï machaqanakajj munasiñamp katoqatäpki ukhajja, Diosar jachʼañchañataki ukat cheqa yatichäwinak yateqañatakiw chʼamachasipjjaspa (Jn 13:35).

^ tʼaqa 3 Congregacionat jaqsutäpki jan ukajj saraqatäpki (desasociados) ukanakampejj janiw chikachasiñasäkiti sasaw Bibliajj yatichi (1Co 5:11; 2Jn 10).