Hebreos 8:1-13

  • Diosan carpapajj kunatï alajjpachan utjki uk uñachtʼayi (1-6)

  • Nayrïr pactompi machaq pactompejj janiw kikpäkiti (7-13)

8  Taqe ukanakat parlasajj aka toqetwa parlasktanjja: ukham mä jachʼa jilïr sacerdotew jiwasan utjistu, jupajj alajjpachanwa Diosan tronopan kupëjjapar qontʼasi,  jupajj Santísimo lugarana ukhamarak cheqpach carpan serviripawa, Jehová* Diosaw uka carpa saytʼayi, janiw jaqen saytʼayatäkiti.  Taqe jachʼa jilïr sacerdotejja, ofrendanaka sacrificionaka loqtañapatak uttʼayatawa, ukhamajj Jesusan mä sacrificio loqtañapajj wakisirakïnwa.  Jupatejj aka oraqenkaspajja, Leyirjam ofrendanak loqtir jaqenakan utjatapatjja janiw jupajj sacerdotëkaspati.  Uka jaqenakan ukham servipjjatapajja, kunatï alajjpachan utjki uk uñachtʼayi, ukan chʼiwiparakiwa,* kunjamtï Moisesajj carpa lurañatakejj Diosan arunakap katoqkäna ukhama. Diosajj akham sänwa: “Kunjamtï qollun uñachtʼayksmajja, ukarjamaw jumajj wali amuyumpi taqe kuns luräta” sasa.  Jichhasti jukʼamp suma luräwi Jesusajj katoqjje, jupajj jukʼamp suma pacton* yanapiripäjjarakiwa.* Uka pactojj jukʼamp suma promesanakjjaruw leyirjam uttʼayasi.  Nayrïr pactotejj phoqatäspänjja, janiw payïrejj munasjjaspänti.  Markapan juchanïtap uñjasajja, “Jehová* Diosajj akham siwa: ‘Urunakajj jutaskiwa, Israel markampisa Judá markampisa uka urunakanwa nayajj mä machaq pacto luräjja’ sasa.  Jehová* Diosajj sarakiwa: ‘Uka pactojja janiw nayra awkinakamampi Egiptot irpsunisajj lurkayäta uka pactjamäkaniti, jupanakajj janiw nayan pactoj phoqapkänti, ukatwa nayajj jupanakat jan llakisjjayätti’ sasa. 10  ”Jehová* Diosajj sarakiwa: ‘Uka urunak qhepatjja aka pactwa Israel markampejj luräjja. Leyinakajsti amuyunakaparuw uskuntäjja, chuymanakaparuw qellqantarakëjja. Nayajj jupanakan Diosapäjjäwa, jupanakajj nayan markajarakïniwa. 11  ”’Jupanakatjja janiw maynis marka masiparusa jilaparusa, “¡Jehová* Diosar uñtʼam!” sasajj yatichkaniti. Jiskʼanakasa jachʼanakasa taqeniw jupanakajj nayar uñtʼapjjetani. 12  Jan wali luratanakapatjja nayajj khuyaptʼayasïwa,* janirakiw juchanakapatjja jukʼamp amtasjjäti’ siw Diosajja”. 13  “Machaq pacto” sasinjja, nayrïr pactorojj jan serviriruw tukuyjje. Ukampis jichhajj kunatï jan servirëjje merqʼëjje ukajja, niyaw tukusjjani.

Qhanañchäwinaka

“Jehová” siski uka cheq aka Biblian diccionariopan liytʼäta.
Variante: “chʼiwuparakiwa”.
Ukajj mä acuerdor mantaña sañ muni.
Griego arunjja, khititejj paninir mä acuerdor mantapjjañapatak yanaptʼki uka jaqetwa parlaski.
“Jehová” siski uka cheq aka Biblian diccionariopan liytʼäta.
“Jehová” siski uka cheq aka Biblian diccionariopan liytʼäta.
“Jehová” siski uka cheq aka Biblian diccionariopan liytʼäta.
“Jehová” siski uka cheq aka Biblian diccionariopan liytʼäta.
Variante: “khariptʼayasïwa”.