1 Tesalonicenses 3:1-13

  • Pablojj wali llakitaw Atenas markan qhepari (1-5)

  • Timoteojj suma yatiyäwinakwa apani (6-10)

  • Tesalonicankirinakatakiw oración lurasi (11-13)

3  Jumanakat jayankkasajja nanakajj walpun llakisipjjayäsma, ukatwa Atenas markan sapaki quedasiñ amtapjjta,  Timoteo jilatasarus khitanipjjaraksma. Jupajj Diosan serviripjamaw* Cristjjat suma yatiyäwinak yatiyaski, juparakiw Diosar confiyañan* suma saytʼatäpjjañamatakisa* chuymachtʼatäpjjañamatakis yanaptʼapjjätamjja,  ukhamat uka tʼaqesiñanakan jan khitisa aynachtʼañapataki.* Uka tʼaqesiñanakatjja janiw khitis jiwasanakat salvaskaspati,* uk jumanakajj yatipjjtawa.  Nanakajj jumanakampïsipkayäta ukhajja, tʼaqesiñanakan uñjasiñäni sasajj janïräkipanwa sapjjayäsma. Cheqas kunjamtï jumanakajj yatipktajja ukhamapuniw pasäna.  Nayajj jumanakat jayankkasajj wal llakisiyäta, ukatwa Timoteor khitanipjjsma, ukhamat qhawqsa Diosar confiyasipkta* uk yatiñataki. Diablotejj* yantʼar puriyapjjeristamjja, nanakan chʼamachasitanakajajj inamayäspawa.  Jichhasti Timoteojj jumanakan ukat kuttʼanjjewa, jupajj qhawqsa jumanakajj Diosar confiyapjjta,* kunja munasirïpjjtasa, kunjamsa nanakat amtasipjjapunista, qhawqsa nanakar uñjañ munapjjesta, taqe uka suma yatiyäwinakwa nanakar yatiyapjjetu, cheqansa nanakajj ukhamarakiw jumanakar uñjañ munapjjsma.  Jilatanaka, nanakajj kunayman llakisiñanakansa tʼaqesiñanakansa uñjasipkstjja, jumanakat yatiñasa Diosar wal confiyapjjatam* yatiñasa walpun chuymachtʼapjjetu.  Jumanakatejj Tatitun arkirinakapjam suma saytʼatäsipkakïtajja, nanakajj chʼamañchtʼatäsipkakïwa.*  Jumanakajj walpun nanakar kusisiyapjjestajja, ukatwa nanakajj jumanakat Diosar wal yuspärapjjta. 10  Jumanakar uñjañatakisa* kunatejj Diosar jukʼampi confiyapjjañamatakejj* munaski ukan yanaptʼañatakisa nanakajj uruy arumaw Diosar taqe chuyma ruwtʼasipjjta. 11  Dios Awkisasa Jesús Tatitusas mä thaki jistʼarañapatakiw nanakajj orapjjta, ukhamat jumanakan ukar jutañataki. 12  Tatitojj munasiñanakam jukʼampi jiltayaspa ukwa nanakajj munapjjarakta. Jïsa, kunjamtï nanakajj jumanakar munasipksmajja, ukhamarak jumanakkamasa taqenirusa jukʼampi munasipjjasma ukwa munapjjta. 13  Ukhamat Jesús Tatitusajj santo servirinakapampi kuttʼankani uka tiemponjja,* Dios Awkis nayraqatan chuymanakamajj chʼamañchtʼatäñapataki, jan juchani, santo uñstapjjañamataki.

Qhanañchäwinaka

Ukajja, “Diosamp chik trabajirjamaw” sasaw jaqokipasirakispa.
Jan ukajja, “iyawsañan”.
Jan ukajja, “chʼamañchtʼatäpjjañamatakisa”.
Griego arunjja, “onjjtayatäñapataki”.
Jan ukajja, “Uka tʼaqesiñanakataki uttʼayatätanwa”.
Jan ukajja, “iyawsasipkta”.
Griego arunjja, “Yantʼiritejj”.
Jan ukajja, “iyawsapjjta”.
Jan ukajja, “iyawsapjjatam”.
Griego arunjja, “jakasipkakïwa”.
Griego arunjja, “Ajanunakam uñjañatakisa”.
Jan ukajja, “iyawsapjjañamatakejj”.
“Kuttʼaniñ tiempo” siski uka cheq aka Biblian diccionariopan liytʼäta.