1 Pedro 5:1-14

  • Diosan congregacionaparojj sum awatipjjam (1-4)

  • Humilde chuymanïpjjam, amuyasipjjarakim (5-11)

    • Taqe llakinakamjja Diosan amparapar katuyapjjam (7)

    • Diablojj warartʼasis sarnaqer mä leonar uñtatawa (8)

  • Tukuyañatak arunaka (12-14)

5  Nayajj mä jilïr irpirirakïtwa,* Criston tʼaqesitapsa uñjaraktwa, ajllitanakajj jachʼañchatäpkani ukhas nayajj jachʼañchatarakïyäwa, ukatwa jumanak taypinkki uka jilïr irpirinakar* ruwtʼanipjjsma:*  jilïr irpirinakjamajja* Diosan congregacionaparojj sum awatipjjam, jumanakar katuyatätap layku, ukampis jan obligatjamajja, jan ukasti Dios nayraqatan taqe chuyma uk lurapjjam; janirak kunatï jumanakatak walïki ukak thaqer qollqe chuymäpjjamti, antisas taqe chuym yanaptʼañ munirïpjjam;  janirak Diosan herenciaparojj munañanakamaruk apnaqapjjamti, jan ukasti congregacionatakejj yateqaskayäpjjam.  Ukhamatwa kunapachatejj jilïr awatirejj uñstankani ukhajja, jumanakajj jan tukuskiri kʼajkir corona katoqapjjäta.  Ukhamarak waynanakajj jilïrinakar* istʼapjjam. Taqenisa maynit maynikam humilde chuymampi uñjasipjjam. Jachʼa jachʼa tukuñarojj Diosajj uñisiwa, humilde chuymaninakatjja jupajj wal khuyapayasi.*  Ukhamajj Diosan wali chʼamani amparapankkasinjja, jiskʼar tukupjjam, ukhamatwa jupajj horasapar jachʼar aptapjjätam.  Ukañkamajj taqe llakinakam jupan amparapar katuyapjjam, jupajj kunatï jumanakar pasapktam ukanakat wal llakisi.  Wali amuyumpipun sarnaqapjjam, amuyasipjjarakim.* Jumanakar uñisir Diablojja,* mä leonar uñtataw warartʼasis muyuski, maynir manqʼantañwa thaqaskaraki.*  Jumanakajja Diosar confiyañanjja* suma saytʼatäpjjam, Diablo* contras saytʼasipjjarakim. Jumanakajj yatipjjaraktawa, tʼaqesipktas uka pachpa tʼaqesiñanakwa jilatanakamajj* aka oraqen aguantasipkaraki. 10  Wali khuyapayasir* Diosajja, mä arunjja Cristomp mayakïpjjañamataki jawsapktam uka Diosajja, mä jukʼa tiempo tʼaqesipjjatam qhepatjja jumanakar wakichañ tukuyjjaniwa. Jupajj sum saytʼayapjjätam, chʼamaniruw tukuyapjjarakïtam, suma cimientjjaruw uttʼayapjjarakïtam. 11  Jupajj wiñayatak chʼamanïpan. Amén.* 12  Diosat jan jitheqtiri Silvano* jilatan yanaptʼapampiw aka cartjja mä qhawqha arunakamp jumanakar qellqanta, ukhamat jumanakar chʼamañchtʼañataki ukhamaraki Diosajj cheqpachapuni wali khuyapayasiñampi* jumanakar uñjaskatap yatiyañataki. Jumanakajj janipun jachʼa khuyapayasiñapat jitheqtapjjamti. 13  Babiloniankir congregacionaw* aruntanipjjtam, jupajj jumanakjam ajllitarakiwa. Marcos jilatas aruntanipjjaraktamwa, jupajj wawajäkaspas ukhamawa. 14  Jumanakkamajj munasiñamp jampʼattʼasis aruntasipjjam. Cristomp mayakïpjjatam laykojj jumanak taypin sumankañajj utjpan.

Qhanañchäwinaka

Jan ukajja, “ancianorakïtwa”.
Jan ukajja, “ancianonakar”.
Jan ukajja, “ewjjtʼanipjjsma”.
Jan ukajja, “congregación uñjirinakjamajja jan ukajj jarkʼaqerinakjamajja”.
Jan ukajja, “jilïr irpirinakar”.
Variante: “khariptʼayasi”.
Variante: “tantiyasipjjarakma”.
Ukasti kʼarintiri sañ muni.
Jan ukajja, “manqʼantañatakiw maynir uñchʼukiskaraki”.
Jan ukajja, “iyawsañanjja”.
Ukasti kʼarintiri sañ muni.
Jilatanaka sasinjja, awisajj kullakanakamppachatwa Biblian parli.
Variante: “khariptʼayasir”.
Jan ukajja, “Ukhamäpan”.
Jupajj Silas satarakïnwa.
Variante: “khariptʼayasis”.
Griego arunjja, mä warmitsa aka cheqan parlkaspa ukham qellqatawa, ukampis Babiloniankir congregacionatwa parlaski.