Cristianjam Jakañataki ukat Yatiyañataki tantachäwitak instruccionanaka
Akanakaniwa
Jesusan jiwatap amtañataki tantachäwejj apaskani uka semana 22
Cristianjam jakañataki ukat yatiyañataki tantachäwi pʼeqtʼir jilata 23
Cristianjam jakañataki ukat yatiyañataki tantachäwi sarayir jilata 24
1. Aka documentojja, khitinakatï Cristianjam Jakañataki ukat Yatiyañataki tantachäwin participapki uka jilat kullakanakatak instruccionanakaniwa. Khitinakatï partenïpki ukanakajja janïr asignacionap wakichkasajja, Cristianjam Jakañataki ukat Yatiyañataki, tantachäwin yatjjatañataki sat qellqatan uñstki uka instruccionanaka repastʼapjjañaparaki. Taqpach publicadoranakaruw participapjjañapatak chʼamañchtʼasiñapa. Tantachäwinakar jan faltasis sarir Bibliat yateqerinakas partenïpjjarakispawa, jupanakajj kunanaktï Bibliajj yatichki ukanakarojj taqe chuymaw confiyapjjañapa, ukarjam sarnaqañatakiw chʼamachasipjjañaparaki. Maynitï janïra publicadoräkasin uka tantachäwin participañatak qellqayasiñ munchi ukhajja, Cristianjam Jakañataki ukat Yatiyañataki Tantachäwi pʼeqtʼir jilataw requisitonak phoqeti janicha uk jupampi uñakiptʼani, ukatjja mayitanak phoqeti janicha ukwa jupar yatiyjjani. Bibliat yateqirimp requisitonak uñakiptʼkasajja, yatichiripaw ukankañaparaki (jan ukajj creyente awk taykapat mayniw ukankarakispa). Requisitonakajj jan bautisat publicadoräñatak utjki uka pachparakiwa (od cap. 8 párr. 8).
QALLTAÑATAK MÄ QHAWQHA ARUNAKA
2. Mä minuto. Qalltañatak cancionajj cantaskani, oracionas lurasjjani uka qhepatjja, tantachäwi sarayiri jilataw kunanakatsa yatjjatasiskani ukanak wal yateqañ munapjjañapataki mä qhawqha arunakampi qhanañchtʼani. Kunanakas congrega-cionarojj jukʼamp yanaptʼaspa ukanakwa qhanañ-chtʼarakini.
BIBLIAN SUMA YATICHÄWINAKAPA
3. Discurso (10 minutonaka). Tantachäwin Yatjjatañataki sat qellqatanwa titulosa ukat paya jan ukajj kimsa wakiskir puntonakas uñstaraki. Mä anciano jan ukajj wakichtʼata mä siervo ministerialaw uka arstʼäwi arstʼañapa. Bibliankir mä machaq librot yatjjatañ qalltaskani ukhajja, mä videow uñtayasini. Arstʼirejja videon mä qhawqha puntonakapampiw discurson temap arstʼarakispa. Ukampis Tantachäwin Yatjjatañataki sat qellqatan waktʼayatäki uka yatichäwinakwa jukʼamp qhanstayañapa. Discursotak wakichtʼatäki uka dibujonakajj sum qhanañchtʼañatak wakichtʼatawa, wakisitarjamaw ukampejj jukʼamppach qhanañchtʼasiñapa. Discursor yanaptʼiri yaqha informacionatsa arstʼasirakispawa, ukampis kuna toqettï uka discursojj parlki ukar yanaptʼañapawa.
4. Suma yatichäwinak Bibliat thaqapjjañäni (10 minutonaka). Aka partenjja jisktʼanakaruw qhanañchasiñapa. Janiw qalltañatakisa ni tukuyañatakis mä qhawqha arunakajj arsusiñapäkiti. Ukjja mä ancianow jan ukajj wakichtʼata mä siervo ministerialaw sarayañapa. Jilatajja paypach jisktʼanakwa tantachasirinakar jisktʼañapa. Utjki uka versiculonakajj liytʼasiniti janicha uksa, jupaw amtjjañapa. Tantachasirinakajj 30 segundonakana jan ukajj minusanwa arstʼapjjañapa.
5. Biblia liyiñataki (4 minutonaka). Mä jilataw (bautizatäpasa janisa) aka asignación liytʼani. Jupajj Bibliat liytʼañ qalltañatakisa tukuyañatakisa janiw kuns sañapäkiti. Tantachäw sarayiri jilataw yateqerirojj sum liytʼañapatakisa, jan pantjasis liytʼañapatakisa, kunjamtï parlaski ukham liytʼañapatakisa, jan mä igualak liytʼañapatakisa, kawkjarutï saytʼañapäki ukjar pausanak lurañapatakisa, wakiskir puntonak qhanstaya-ñapatakisa yanaptʼani. Awisajja Biblia liyiñajj wali jachʼäspawa, ukhamasti Cristianjam Jakañataki ukat Yatiyañataki tantachäwi pʼeqtʼir jilatajja qhawqsa mä jilatajj liytʼaspa ukarjamaw asignañapa.
SUM YATICHAÑATAK CHʼAMACHASIÑÄNI
6. Tunka phesqan minutonaka. Aka seccionajja, Diosan arunakap jukʼamp sum predicañ yateqañatakiw yanaptʼistani, jaqenakamp sum parltʼañatakisa, sum predicañatakisa, sum yatichañatakisa yanaptʼarakistaniwa. Wakisinejja anciononakas mä yateqerjam asignacionanïpjjara-kispawa. Yateqerejj Tantachäwin Yatjjatañataki sat qellqatan paréntesis taypin Sum yatichañataki ukat Jaqenakar munasiña sat folletonakan kawkïr leccionapat apstʼatasa ukaw uñsti, ukarjamaw wakichtʼasiñapa. Yaqhep semanana-kanjja tantachasirinakaruw jisktʼasirakini, mä anciano jan ukajj wakichtʼata mä siervo ministerialaw uk sarayañapa (kunjamsa tantachasirinakar jisktʼañapa uk yatiñatakejja párrafo 15 uñjjattʼam).
7. Kunjamsa parlañ qalltasma. Mä jilata jan ukajj mä kullakaw aka asignación wakichtʼasiñapa. Mä jilatächejja yanapiripajj jilatäñaparakiwa, kullakächi ukhasti kullakäñaparakiwa, jan ukajj mä fami-liarapas yanaptʼarakispawa. Panpachanejj qontʼatäpjjaspawa jan ukasti saytʼatäpjjarakispawa. (Kuna toqets parlasma ukatakisa ukat kunayman toqet jaqenakar predicañat jukʼamppach yatiñatakisa, párrafos 12 ukat 13 uñjjattʼam).
8. Revisitanak luram. Mä jilata jan ukajj mä kullakaw (bautizatäpas janisa) aka asignación wakichtʼasiñapa. Mä jilatächejja yanapiripajj jilatäñaparakiwa, kullakächi ukhasti kullakäñaparakiwa (km-S 5/97 pág. 2). Panpachanejj qontʼatäpjjaspawa jan ukasti saytʼatäpjjarakispawa. Yateqerejj qalltan kawkïri jaqerutï parlkäna ukar revisitañatakejj kamsanisa ukwa qhañachtʼañapa. (Kuna toqets parlasma ukatakisa ukat kunayman toqet jaqenakar predicañat jukʼamppach yatiñatakisa, párrafos 12 ukat 13 uñjjattʼam).
9. Jesusan discipulopäpjjañapatak yanaptʼam. Mä jilata jan ukajj mä kullakaw aka asignación wakichtʼasiñapa. Mä jilatächejja yanapiripajj jilatäñaparakiwa, kullakächi ukhasti kullakäñaparakiwa (km-S 5/97 pág. 2). Panpachanejj qontʼatäpjjaspawa jan ukasti saytʼatäpjjarakispawa. Aka asignacionajja, yateqerimpi Bibliat yateqasktan ukan mä jiskʼa partekiwa, janiw qalltañatakisa ni tukuyañatakis mä qhawqha arunak arsuñajj wakiskiti, ukampis ukanakan mejorañatak chʼamachasiskchi ukhakiw ukham lurañapa. Janirakiw taqpach parrafonak jachʼat liytʼañapajj wakiskiti, liytʼañ munasajj liytʼaskarakispawa.
10. Kunanakarutï creykta uk qhanañchtʼam. Mä discursöchi ukhajja, yateqerinakat mä jilataw aka asignación arstʼañapa. Mä demostracionächi ukhasti, yateqir mä jilataru jan ukajj yateqir mä kullakaruw aka asignación churasiñapa. Mä jilatächejja yanapiripajj jilatäñaparakiwa, kullakächi ukhasti kullakäñaparakiwa, jan ukajj mä familiarapas yanaptʼarakispawa. Yateqerejja suma arunakamp parltʼasa ukhamarak wali qhanwa titulon uñstki uka jisktʼar jaysañapa, referencian uñstki ukampi yanaptʼayasisa. Yateqerejja referencian uñstki ukajj kawkïri publicacionatas uk sarakispawa, jan siskani ukhas walikïskarakiniwa.
11. Discurso. Mä yateqer jilataw aka asignacionat encargasini, mä discursjam arstʼasiñapa. Jaqenakar munasiña sat folletot apéndice A ukat apstʼatächi ukhajja, yatiyir sarkasajj kunjamsa uka versiculonakampi yatiysna ukwa qhanstayañapa. Amuytʼañataki, mä versiculojj kamsañs muni, kunapachas uk liytʼsna jan ukajj kunjamsa uka versiculompi maynir amuytʼaysna ukwa qhanañchtʼañapa. Kunapachatï folleton mä yatichäwipat (leccionapat) apstʼatäni ukhajja, kunjamsa yatiykasajj ukarjam luraspa ukwa qhanañchtʼañapa. Yanaptʼirjamäni ukhajja 1 yatichäwin uñstki uka ejemplot qhanstayaspa, jan ukasti uka yatichäwin uñstir yaqha versiculonakat qhanstayarakispa.
12. Kuna toqets parlasma. Aka parrafon instruccionanakapasa párrafo 13 ukan uñstki uka instruccionanakasa “Kunjamsa parlañ qalltasma” ukat “Revisitanak luram” sat asignacionanakatwa parli. Yateqerejja Biblian mä yatichäwipatwa utanimp parltʼañapa, ukajja fácil amuykaña, jaqer yanaptʼiri ukhamäñapawa, ukat jutïr urunakans jupampi parltʼaskakiñataki, janitï ukham lurañapäkani ukhajja qhanañchasirakiniwa. Yateqeriw jaqenakar yanaptʼiri ukhamarak wakiskiri mä toqet parlañ ajlliñapa. Bibliat apstʼat mä qellqatampi yatiyañasa jan ukajj kit de enseñanza ukankir mä video uñtayañasa jupatäjjewa. Pʼeqer yatsuta demostración uñachtʼayañat sipansa, jaqenakamp wali sum parltʼañatakiw yateqañapa. Sañäni, kunjamtï parlasktan ukham parltʼañataki, taqe chuyma mayninakat llakisisa parltʼañataki.
13. Kunayman toqet jaqenakar predicaña. Yateqeriw kawki cheqantï jakaski uka lugaratakjamati janicha uk aka kimsa puntonakarjam lurañataki amuykiptʼañapa. Sañäni:
(1) Utat uta predicaña. Aka demostracionajja jaqenakaru utanakapan predicañawa (jaqenakamp parltʼasa, teléfono toqe jan ukajj carta qellqasa).
(2) Taqe cheqanakan predicaña. Aka demostracionajja kawk sarkasas sapüru luräwinakasan kawk sarkasas jaqenakamp parlasktan ukat Diosat parlañataki predicañatak mä oportunidadajj utjki ukawa. Sañäni, trabajonkkasajj Bibliankir mä p textomp parltʼaña, colegion parltʼaña, jakaskta uka cheqanakanakan parltʼaña, autot sarkas parltʼaña, ukat yaqha ukhamanakampi.
(3) Walja jaqenakajj utjki uka cheqanakan predicaña. Aka demostracionajja, carritomp predicaña, negocionakana, callenakana, parquenakana ukat autonakajj sayki uka lugaranakan predicañawa, jan ukajj kawkjantï jaqenakajj wal utjki uka cheqanakan predicañawa.
14. Videonakampi Bibliat apstʼat qellqatanakampi. Wakisirjamäni ukhajj yateqeriwa mä video jan ukajj mä qellqat uñachtʼayaniti janicha uk amtjjañapa. Mä asignacionataki mä videojj utjchi ukhajja, janiw uñtayasiñapäkiti, ukampis video presentasajj yatjjatapjjañaparakiwa.
CRISTIANJAM JAKAÑATAKI
15. Aka seccionajj mä cancionampiw qallti. Maya jan ukajj pä asignacionanakaw 15 minutonakan utjani, ukanakajj kunjamsa Diosan Aruparjam sarnaqsna uk amuyañatakiw jilat kullakanakar yanaptʼani. Mä anciano jan ukajj wakichtʼata mä siervo ministerialaw uka partenak arstʼañapa, janitï ukham lurasiñapäkani ukhajja, qhanañchasirakiniwa. Mä ancianopuniw “Congre-gacionataki ewjjtʼanaka” siski uk arstʼañapa. Kunapachatï tantachasirinakaruw jisktʼäta siski ukajj utjani ukhajja, jilatajj tantachasirinakaruw jisktʼañapa, yaqha jisktʼanaks jisktʼarakispawa. Wakiskir puntonak yatjjatañatakisa tantachasirinakan arstʼanipjjañapatakisa, jukʼa arunakampikiw qalltañapa. Mä entrevista utjanejja, jilatas jan ukajj kullakasa, puederjamäni ukhajj plataformanwa arstʼañapa, janiw asientopat arstʼañapäkiti.
16. Congregacionan Bibliat yatjjatañataki (30 minutos). Suma wakichtʼata mä ancianow uk sarayañapa. (Mä congregacionantï ancianonakajj jukʼanikïpjjchi ukhajja, wakichtʼata siervo ministerialanakaw sarayapjjarakispa). Cuerpo de ancianos ukankir jilatanakaw khitinakas aka cheq sarayapjjaspa uk amtapjjañapa. Sarayapkani uka jilatanakajja, tiempoparuw tukuyapjjañapa, liytʼañatak utjki uk textonaksa sum qhanañchtʼapjjañapawa, kuntï yateqktan ukajj kunjamsa jakäwisan yanaptʼistaspa uksa qhanstayapjjañaparakiwa. Ukham lurañatakejja, kunjamsa jisktʼanakampi jaysäwinakampi partenak sarayapjjañapa ukanak respastʼañaw uka jilatanakar yanaptʼani (w23.04 pág. 24, recuadro). Yatjjatasiñapäki ukajj phoqatpach sum yatjjatasjjchi ukhajj tukuyasjjaspawa, janiw 30 minutonakar phoqachañajj wakiskapuniti. Puedischi ukhajja, sapa semanajj yaqh yaqha jilatanakaw aka parte sarayapjjañapa, liytʼirinakas yaqh yaqhäpjjañaparakiwa. Tantachäwi sarayiri jilatatï janïr horasäkipan tukuyasiñap mayini ukhajja, aka parte sarayir jilataw kunjamsa jankʼak tukuyani uk amuyjjañapa. Taqpach parrafonak liytʼayañat sipansa, mä qhawqha parrafonakakwa liytʼayaspa.
TUKUYAÑATAK MÄ QHAWQHA ARUNAKA
17. Kimsa minutonaka. Tantachäwi sarayir jilataw kunanakattï yateqasiwayki uka yanaptʼkiri puntonak repastʼani. Tiempos utjaskani ukhajja, kawkir puntonakas yanaptʼistaspa uk tantachasirinakan arstʼanipjjañapatakiw invittʼaspa. Ukatjja jutïr semanajj kunanakatsa yatjjatasini ukanak mä qhawqha arunakampiw qhanañchañaparaki.Tiempo utjaskani ukhajja kawkïr jilat kullakanakas jutïr tantachäwin asignacionanïpjjani ukanakan sutinakapwa yatiyarakispa. Tantachäwi sarayir jilataw yatiyäwinaksa, cartanak liytʼañatak utjkani ukanaksa liytʼani, yaqha jilatatï ukanak yatiyani jan ukajj liytʼani ukhajja yatiyasiniwa. Predicacionajj kuna horasarünisa, kawkïr grupos Salón qʼomachani ukajja, janiw plataformat yatiyaskaniti, jan ukasti tableron apkatatäniwa. Anuncionak yatiyañatakisa jan ukajj cartanak liytʼañatakis tiempo jan utjirjamäkani ukhajja, tantachäwi sarayir jilataw “Cristianjam jakañataki” sat seccionan arstʼir jilatanakaru arstʼäwinakap janïr horasäkipan tukuyapjjañapatak mayini ( párrafos 16 ukat 19 uñjjattʼam). Tantachäwejja, mä cancionampi ukat mä oracionampiw tukuyasiñapa.
CHʼAMAÑCHTʼKIR ARUNAKAMPI EWJJTʼANAKA
18. Yateqerinakataki sapa asignación tukuyarojja, niya mä minutonwa tantachäwi sarayir jilatajj yateqer jilatarusa kullakarus felicittʼañapa, asignatäki uka leccionarjamaw ewjjtʼañapa. Mä yateqerir janïr presentkasajja, tantachäwi sarayir jilatajj janiw kuna leccionarjamas yateqerejj wakichtʼasiniwayi uk sañapäkiti. Arstʼañ tukuyjjani ukhaw jilatajj uk saspa. Felicittʼasajja, kunatsa arstʼäwipajj sumäna jan ukajj kunatsa jukʼamp chʼamachasiñapajj wakisispa ukat kunjamsa uk lurarakispa ukwa mä qhawqha arunakamp ewjjtʼaspa. Ukatjja, kunanaktï demostracionan lurkäna ukajj kunjamsa yateqerirusa istʼirinakarus yanaptʼaspa ukwa tantachäwi sarayir jilatajj sarakispa. Wakischi ukhajja, tantachäw tukuyjjani jan ukajj yaqha horasanwa tantachäwi sarayir jilatajj asignacionanïkäna uka jilatampi jan ukajj kullakamp parlaspa, ukhamat kuna leccionarjamatï chʼamachaskäna uka toqeta jan ukajj yaqha toqenakat Jaqenakar munasiña ukat Sum yatichañataki sat folletonakarjama jan ukajj Benefíciese librorjama ewjjtʼañaparaki. (Cristianjam Jakañataki ukat Yatiyañataki tantachäwi sarayir jilatasa ewjjtʼir jilatas (consejero auxiliar) kuna lurañanakanïpjjesa uka toqet jukʼamp yatiñatakejja, párrafos 19, 24, ukat 25 uñjjattʼam).
TIEMPO
19. Taqpach arstʼäwinakaw tiempopar tukuyasiñapa (tantachäwi sarayir jilatas janiw jay parlañapäkiti). Tantachäwin Yatjjatañataki sat qellqatan sapa asignacionajj qhawqha tiempöñapasa ukajj qhanäkchisa, yatjjatasiñapäki ukajj phoqatpach qhanañchasjjchi ukhajja, asignatäki uka tiempor phoqachañatak yaqhamp yaptʼañajj janiw wakiskiti. Tantachäwi sarayir jilatampi ewjjtʼir jilatampiw khitinakatï partepan tiempot pasjasipjje ukanakar saparuki ewtʼapjjani ( párrafos 24 ukat 25 uñjjattʼam) Tantachäwejj qalltat tukuykamajja, 1 hora 45 minutonakanwa tuku-yasiñapa.
SUPERINTENDENTE DE CIRCUITO JILATAN VISITAPA
20. Superintendente de circuito jilatajj congregacionar visitkani uka semanajja, Tantachäwin Yatjjatañataki sat qellqatan utjki uka programajj mä jukʼa mayjtʼayasiniwa. “Congregacionan Bibliat yatjjatañataki” siski uka lantejja, circuito jilataw 30 minutonakan mä discurso arstʼani. Janïr arstʼkipanjja, tantachäwi sarayir jilatajj kunanakas tantachäwin yatjjatasiwayi, jutïr semanajj kunanakatsa yatjjatasini ukanakwa mä qhawqha arunakamp qhanañchani, anuncionaksa cartanaksa liytʼarakini. Ukjjarusti circuito jilataruw discurso arstʼañapatak invittʼani. Discurso tukuyasajja, circuito jilataw jupan ajllita mä cancionamp tukuyani, ukat mä jilataruw oracionamp tukuyañapatak invittʼarakini. Uka semanajja, janiw payïr salan asignacionanakajj utjkaniti. Ukampis yaqha aru parliri mä grupotï congregacionan utjchejja, jupanakajj payïr salan tantachäwip apasipkakispawa. Ukampis congregacionamp chikaw circuito jilatan discursop istʼapjjañapa.
ASAMBLEAJJ APASKANI UKA SEMANA
21. Asambleajj apaskani uka semanajja, janiw congregacionan tantachäwejj apaskaniti. Kunatï uka semanan yatjjatasiñapäkäna ukanak familiapampi jan ukajj sapaki yatjjatapjjañapatakiw congregacionar amtayasiñapa.
JESUSAN JIWATAP AMTAÑATAKI TANTACHÄWEJJ APASKANI UKA SEMANA
22. Jesusan jiwatap amtañataki tantachäwitï lunesat vierneskam waktʼani ukhajja, Cristianjam Jakañataki ukat Yatiyañataki tantachäwejj janiw apaskaniti.
CRISTIANJAM JAKAÑATAKI UKAT YATIYAÑATAKI TANTACHÄWI PʼEQTʼIR JILATA
23. Jupajja cuerpo de ancianos ukankir jilatanakampi ajllit ancianowa. Kunjamsa tantachäwejj apasiski, instruccionanakarjamat lurasiski janicha ukanakwa jupajj sum organiztʼañapa. Ewjjtʼir jilatampejj parltʼasiñapapuniwa. Tantachäwin Yatjjatañataki sat machaq qellqatajj utj-jjani ukhajja, Cristianjam Jakañataki ukat Yatiyañataki Tantachäwi pʼeqtʼir jilataw taqpach asignacionanak pä phajjspachataki jankʼaki asignañapa. Akanakwa asignañapa: yateqerinakataki asignacionanaka, ancianonakataki siervonakataki arstʼäwinaka ukat tantachäwi sarayirinaka, aka qhep qhepa pä asignacionanakatakejja cuerpo de ancianos ukankir jilatanakampi aprobat jilatanakaruw asignasiñapa ( párrafos 3-16 ukat 24uñjjattʼam). Partenak asignasajja (yateqerinakatakïpansa janisa) jilat kullanakanakan edadapa, experienciapa ukatjja asignacionapat wali qhana chuymamp parltʼaspati janicha taqe ukanakwa amuykiptʼañapa. Kimsa semana faltkipanwa taqpach asignacionajj churasjjañapa. Yateqerinakataki asignacionanakajj Asignación para la reunión Vida y Ministerio Cristianos (S-89) uka formularioruw churasiñapa. Taqpach asignacionanak tableror uchasiñapatakiw jupajj uñjañaparaki. Cuerpo de ancianos ukankir jilatanakaw kawkïr ancianos jan ukajj siervo ministerialas jupar yanaptʼani uk amtjjani. Ukampis ancianonakakiw jan yateqerinakatakïki uka partenak asignapjjaspa.
CRISTIANJAM JAKAÑATAKI UKAT YATIYAÑATAKI TANTACHÄWI SARAYIR JILATA
24. Mä ancianow Cristianjam Jakañataki ukat Yatiyañataki tantachäwi sarayani. (Mä congregacionantï ancianonakajj jukʼanikïpjjchi ukhajja, wakichtʼata siervo ministerialanakaw sarayapjjarakispa). Uka jilataw tantachäw mä qhawqha arunakamp qalltañapa tukuyañaparaki. Uka jilatarakiw sapa arstʼirirus plataformar invittʼañapa. Congregacionan ancianonakajj jukʼanikïpjjchi ukhajja, tantachäwi sarayir jilatajj mä qhawqha asignacionanak arstʼarakispawa, jukʼampis video uñtayañajj utjki ukhaw uk luraspa. Jilat kullakanakar plataformar makatañapatak invitkasajja, janiw jay parlañapäkiti. Cuerpo de ancianos ukankir jilatanakaw khitinakas ancianonakat tantachäwi sarayapjjaspa uk amtjjañapa. Uka jilatanakajja tantachäwi sarayañatakejj turnasipjjañapawa. Inas Cristianjam Jakañataki ukat Yatiyañataki tantachäwi pʼeqtʼir jilatarojj tantachäwi sarayañapajj jilpach waktʼchini, mayni wakichtʼat ancianonakat sipansa. Mä ancianotï Congregacionan Bibliat yatjjatañataki tantachäwi saraychi ukhajja, Cristianjam Jakañataki ukat Yatiyañataki tantachäwjja sarayarakispawa. Ukampis tantachäwi sarayir jilatajja, arstʼapkani uka jilat kullakanakar mejorapjjañapatak yanaptʼiri munasiñamp ewjjtʼiri chʼamañchtʼiri ukhamäñapawa. Horasapar tantachäwi tukuyasiñapatakisa jupaw responsablejja ( párrafos 17 ukat 19 uñjjattʼam). Tiempo jan ina chʼusar aptʼañatakejja, plataforman campojj utjaskchi ukat ukajj sarayir jilatatak walikïchi ukhajja, mä microfonow tantachäwi sarayir jilatatakejj uskusispa, ukhamat arstʼirinakar jawskattʼañkamajj asignacionanïpki ukanakajj plataformar makatapjjañapataki. Jan ukajj Bibliat liytʼasiskani ukhasa, “Sum yatichañatak chʼamachasiñäni” siski uka arstʼäwinakansa, plataforman mä mesa jakʼanwa jilatajj qontʼasirakispa.
EWJJTʼIR JILATA (CONSEJERO AUXILIAR)
25. Ewjjtʼir jiltaw wakiskani ukhajja, Cristianjam Jakañataki ukat Yatiyañataki tantachäwin arstʼapkani uka ancianonakarusa siervo ministerialanakarusa, ukhamarak congregacionan taqenitak arstʼäwi arstʼapkani ukanakarusa, Yatiyañataki revista sarayir jilatarusa, Congregacionan Bibliat yatjjatañataki sarayir jilatarusa, liytʼirinakarusa suma arunakampi sapaparuki ewjjtʼani ( párrafos 19 uñjjattʼam).
PAYÏRI JAN UKAJJ KIMSÏR SALA
26. Qhawqha yateqeri jilat kullakanakas utji ukarjamaw payïr salan arstʼäwinakajj utjaniti janicha ukajj amtasiñapa. Ukanjja, mä anciano jan ukajj wakichtʼata mä siervo ministerialaw sarayaspa. Cuerpo de ancianos ukankir jilatanakaw khitinakas payïr salan sarayapjjaspa, sapa semanajj maynikit sarayani jan ukajj turnasipjjanicha uk amtjjapjjañapa. Payïr salan sarayir jilatajja, aka qellqatan párrafos 18 ukan qhanañchaski uka ewjjtʼanakarjamaw sarayañapa. Payïr salan arstʼapkani uka jilat kullakanakajja, “Suma yatichäwinak Bibliat thaqapjjañäni” siski uka wakichäwi tukuyataruw payïr salar sarapjjañapa. “Sum yatichañatak chʼamachasiñäni” sat wakichäwi tukuyatarusti, nayrïr salaruw kuttʼapjjañaparaki.
VIDEONAKA
27. Cristianjam Jakañataki ukat Yatiyañataki tantachäwinjja, videonakaw uñtayasini. Ukanakajja JW Library® aplicacionatwa kunayman dispositivonakar apaqasispa.
© 2025 Watch Tower Bible and Tract Society of Pennsylvania
S-38-AP 9/25
