Amual ti dungu

Pu Dungukelu Iney Ngen Jewba

Dullial kewün dungu mapudungun

Pu Dungukelu Iney Ngen Jewba, ¿koneltukepeyngün may pu sionista pingechi trokiñche mu?

Pu Dungukelu Iney Ngen Jewba, ¿koneltukepeyngün may pu sionista pingechi trokiñche mu?

Femlay tati. Pu Dungukelu Iney Ngen Jewba kristianongeiñ ka Biblia mu tuwi kom taiñ feyentukeel. Kiñeke religion rakiduamkeyngün ta fillke pelon dungu ñi nüwkülen pu judio ñi trapümngeal Palestina mu. Welu pu Dungukelu Iney Ngen Jewba femngechi rakiduamkelaiñ, Biblia ta feypikelay feychi politiko dungu ñi rupayal. Doyelchi may, Biblia ta koneltukelay chem wentru ñi ngünenien no rume ka dullintukelafi chem trokiñche no rume. Dungukelu Iney Ngen Jewba ñi chillka La Atalaya küme pengeli “Biblia mu ngelay tüfachi sionismo politiko dungu”.

Tati Encyclopædia Britannica feypi ti sionismo mu, fey “kiñe trokiñche judio politiko kelluntukukey ñi dewmayal kiñe estado judio politiko Palestina mapu mu”. Tüfa nüwküley religioso ka politiko dungu mu. Pu Dungukelu Iney Ngen Jewba kelluntukukelaiñ tüfachi religioso kimeltun mu, kafey turpu koneltukelaiñ ti trokiñche sionista pingelu.

Pu Dungukelu Iney Ngen Jewba ñi adkünuelchi trokiñche inakey religioso dungu müten, welu kelluntukukelafi chem politiko dungu no rume, ti sionismo kütu. Kimniengekeiñ taiñ reyülkonkenon politiko dungu mu, feymu llemay kiñeke trokiñ mapu mu kayñetungekeiñ. Rüf trokikeiñ ta chem wentru ñi ngünenieel ka chem trokiñche no rume küpal-layafuy küme felen Mapu mew. Chaw Ngünechen ñi Ngünenien müten wenu mapu mülelu femürpuay tüfa.

Kom pu Dungukelu Iney Ngen Jewba inakey kiñe ngülam, chew ñi mülen rume llowkeyngün pu wentru ñi ngünenien tañi ley. Kiñe Dungukelu Iney Ngen Jewba no rume kayñetukelafi tati pu awtoridad ka koneltukelayngün ti weychan no rume.