Amual ti dungu

Pu Dungukelu Iney Ngen Jewba

Dullial kewün dungu mapudungun

Pu Dungukelu Iney Ngen Jewba, ¿chumngelu pemekefingün ta che dew nielu ñi religion?

Pu Dungukelu Iney Ngen Jewba, ¿chumngelu pemekefingün ta che dew nielu ñi religion?

Ngüneduamkeiñ fentren che dew nielu ñi religion ayükeyngün ñi nütramkayal Biblia ñi dungu. Iñchiñ yamniekefiyiñ ta che ñi nieel kidu tañi feyentun, feymu dikümtukukelafiyiñ ta che taiñ allkütuetew ti werkün dungu.

Nütramkakefiliyiñ ta che religion ñi dungu mu, inaniekeiñ Biblia ñi küme ngülam ñi nütramkayal “ñom piwke mu”, ka pengelkeiñ “ñi müna yamnieafiel ta che” (1 Pedro 3:⁠15, TNM). Kimtukunieiñ ñi mülen che ayünolu ñi allkütual taiñ werkün dungu (Matew 10:⁠14). Welu nütramkanofiliyiñ ta che, kimlayafuiñ chem taiñ feypiaetew. Ka kimtukunieiñ fillke dungu rupayafule ta che, fey ayüafuy chi ñi allkütual.

Rakiduamnge tüfa, kiñe antü ti che rume niey duam, feymu allkütulayafeiñmew, welu ka antü ayüafuy ñi allkütual. Ka tati pu che chaftule wedake dungu eluwafuy ñi kintual Biblia ñi kellun. Feymu lle fillke rupa mu newentukeaiñ taiñ pemetuafiel ta che.